Еркин Қарақалпақстан Вести Каракалпакстана 16:58:15, 18.12.2018
Хош келипсиз! | RSS
Сайт мазмуны

Кириў усылы

САНААТ ОБЪЕКТЛЕРИН  ӨРТ ҚӘЎПИНЕН САҚЛАЙЫҚ

Өзбекстан Республикасы Президентиниң 2017-жыл 23-май күнги қарарына муўапық ҳәр ҳәптениң сәршембиси «Өртлер профилактикасы күни» етип белгиленген еди.

Усы қарардың орынланыўын тәмийинлеўде жүдә әҳмийетли ҳәм категорияланған  объектлерде өрт қәўипсизлигин тәми­йинлеў бойынша аймақлық мәкемелер аралық комиссиясы тәрепинен нәтийжели жумыслар жүргизилмекте.

Атап айтқанда, Қарақалпақстан Республикасы Минис­трлер Кеңесиниң «Қоңырат сода заводы» унитар кәрханасында көргизбели арнаўлы-тактикалық оқыў шынығыўын өткериў ҳаққында»ғы буйрығы тийкарында 10-санлы әскерийлестирилген өрт қәўипсизлиги бөлимшеси тәрепинен жүз бериўи мүмкин болған өртлердиң алдын алыўға ерисиўде «Қоңырат сода заводы» унитар кәрханасы хызметкерлери қатнасында «Күшли тәсир етиўши зәҳәрли затлар тарқалыўы менен байланыслы айрықша жағдайлар жүз бергенде объект ҳәкимшилиги ҳәм пуқара қорғаныў  системасының ҳәрекетлери» атамасында көргизбели оқыў  тактикалық шынығыў өткерилди. Онда тараў хызметкерлери өрттиң аўыр ақыбетлери, өрт пайда болған жағдайда қандай әмеллерди қолланыў кереклиги бойынша түсиник берип өтти. Буннан соң «Елабад» посёлкасы пуқаралары менен ушырасыў өткерип, газ ҳәм электр үскенелеринен пайдаланыўда итибарлы болыўы ҳәм өрттиң алдын алыўда белсене қатнасыўға  шақырды.

Сонлықтан тилсиз жаў болған өрттиң алдын алыўда тек тараў хызметкерлериниң емес, ал, пуқаралардың да жуўапкерли ўазыйпасы екенлигин умытпаўымыз тийис.

К.ТУРҚАНБАЕВ,

Қоңырат районы 10-санлы ӘӨҚ ГТҚХ аға инс­трукторы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF