Еркин Қарақалпақстан Вести Каракалпакстана 00:51:05, 17.10.2018
Хош келипсиз! | RSS
Сайт мазмуны

Кириў усылы

АЗАДАЛЫҚҚА ХЫЗМЕТ ЕТЕДИ

«ЭКОСАН» экология ҳәм саламатлық халықаралық қайырқомлық жәмийетлик фондының Қарақалпақстан аймақлық шөлкеми Өзбекстан Республикасы Олий Мажлиси жанындағы Мәмлекетлик емес коммерциялық емес фондларды ҳәм пуқаралық жәмийетиниң бас­қа да институтларын қоллап-қуўатлаў бойынша жәми­йетлик фондынан «Халықтың социаллық, экологиялық, медициналық мәдениятын асырыўда, социаллық исбилерменлик, туризмниң инновациялық түрлерин әмелге асырыўда мәмлекетлик емес коммерциялық емес шөлкемлердиң жумысларын күшейтиў» темасы бойынша 29,0 миллион сумлық «Мәмлекетлик уйымлар менен социаллық инфрадүзилмени раўажландырыўға, сапалы коммунал хызмет көрсетиўге, халықтың жасаў шараятларын жақсылаўға көмеклесиў» грант жойбарын жеңип алды.

Жойбардың мақсети — пайтахтымыздағы «Қурылысшы-12» мәкан пуқаралар жыйынындағы көп қабатлы турақ жайлардың сыртқы келбетин жақсылаў, турмыслық шығындыларды жыйнаў орнына еки адамды жумыс пенен тәмийинлеў, «MUSTANAB XILOL» базасында ең үлгили шығынды жыйнаўшы ҳәм оларды қайта ислеўши субъектлерди белгилеп алыў болып табылады.

Жойбарды әмелге асырыўда жыйын аймағында өткерилетуғын илажлар, пуқараларға өз үйлеринен алып шығып тасланатуғын турмыслық шығындыларды бөлеклерге ажыратып, қутышаларға салыўды өзлериниң тиккелей  ўазыйпасы екенлигин кеңнен түсиндириўден ибарат. Усы илаждан келип шығатуғын нәтийжелер, аймақтағы көп қабатлы турақ жайлардың әтирапы тазаланып, азада түске енеди,  халықтың экологиялық мәденияты артады. Жойбар шеңберинде өзин-өзи басқарыў уйымлары менен биргеликте кәрхана субъекти жанынан бир орынға турмыслық шығындыларын жыйнаў орны қурып бериледи ҳәм «Мәҳәлле» қайырқомлық шөлкеми менен биргеликте усындай жойбарларды алдағы ўақытта да кеңнен енгизиўден ибарат.

Н.МЫРЗАМУРАТОВ,

«ЭКОСАН» экология ҳәм саламатлық  халық­аралық жәмийетлик фонды

Қарақалпақстан аймақлық шөлкеми директоры.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF