Еркин Қарақалпақстан Вести Каракалпакстана 16:44:13, 18.12.2018
Хош келипсиз! | RSS
Сайт мазмуны

Кириў усылы

ЖУМЫСЛАР ТАЛАП ДӘРЕЖЕСИНДЕ

Соңғы ўақытларда турмысымыздың барлық тараўларында болғаны сыяқлы ишки ислер уйымлары тараўында да жүргизилген реформалар нәтийжесинде бир қатар жаңаланыўлар менен өзгерислер жүз бермекте.

Өзбекстан Республикасы Президентиниң 2017-жыл 23-май күнги «Ишки ислер уйымлары Өрт қәўипсизлиги бөлимлериниң жумысларын түп-тийкарынан жетилистириў илажлары ҳаққында»ғы 2992-санлы қарарына муўапық, ҳәптениң ҳәр сәршемби күни Республикамызда «Өртлер профилактикасы күни» деп белгиленген еди. Әмиўдәрья районы Өрт қәўипсизлиги бөлими хызметкерлери тәрепинен усы қарар талапларын орынлаў бойынша бир қатар жумыслар әмелге асырылып келинбекте.

Атап айтқанда, быйылғы жылдың басынан усы күнге шекем район аймағында жайласқан барлық пуқаралар жыйынларында ушырасыўлар өткерилип, пуқаралар жасайтуғын турақ жайлардың ҳәм социаллық инфраструктура объектлериниң өртке қарсы жағдайлары көзден өткерилип, бул ушырасыўларда пуқараларға ҳәм кәрхана, мәкеме хызметкерлерине өрттиң алдын алыў бойынша тийисли жол-жобалар көрсетилди. Буннан тысқары, Әмиўдәрья ра­йонлық Халық билимлендириў бөлимине қараслы 60 мектепте ҳәм Мектепке шекемги билимлендириў бөлимине қараслы 37 балалар бақшасында оқытыўшылар ҳәм оқыўшылар, тәрбияшылар ҳәм тәрбияланыўшылар арасында өрттиң алдын алыў бойынша үгит-нәсият ҳәм түсиндириў жумыслары, сондай-ақ, өрт жүз бергенде өрт өшириў машиналары ҳәм үскенелеринен қалай пайдаланыў кереклиги бойынша көргизбели шынығыўлар шөлкемлестирилди. Жыл басынан берли 7 колледж ҳәм 10 емлеў мәкемелеринде усындай ушырасыўлар ҳәм техникалар көргизбеси өткерилип келинбекте. Кәрхана, мәкеме ҳәм шөлкемлерде, пахта қабыллаў пунктлеринде өртти өшириў бойынша әмелий шынығыўлар өткерилди.

Талап дәрежесинде өткерилген бул илажлар нәтийжесинде районымызда өрт ҳәдийселериниң бир қанша аз­а­йыўына ерисилди. Бундай жумысларды алдағы ўақытлары да даўам еттире беремиз.

 З.АТАБАЕВ,

Әмиўдәрья районы Өрт қәўипсизлиги бөлимшесиниң аға инспекторы, аға сержант.

СҮЎРЕТТЕ: өткерилген илаждан көринис.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF