Еркин Қарақалпақстан Вести Каракалпакстана 10:17:26, 15.10.2018
Хош келипсиз! | RSS
Сайт мазмуны

Кириў усылы

ӨНИМЛЕРДИ ЭКСПОРТ ЕТИЎ ЖЕҢИЛЛЕСТИРИЛДИ

2017-жыл 21-июньде Өзбекстан Республикасы Президенти Ш.Мирзиёев тәрепинен «Жергиликли экс­порт етиўши шөлкемлерди буннан былай да қоллап-қуўатлаў ҳәм сыртқы экономикалық хызметти жетилис­тириў илажлары ҳаққында»ғы қарар ҳәм 2017-жыл 14-декабрьде Өзбекстан Республикасы Министрлер Кабинетиниң «Жаңа үзилген, кептирилген ҳәм қайта исленген мийўе-овощ өнимлерин экспорт етиў тәртиби ҳаққында»ғы қарары қабыл етилди.

Усы қарарларға муўапық, жаңа үзилген мийўе-овощ өнимлери жөнетилетуғын өним қунының алдын ала шет ел валютасында жүз процент төлеми экспорт етиўшилер тәрепинен алынғанда тиккелей шәртнама тийкарында экспорт етиледи. 

Ал, кептирилген ҳәм қайта исленген мийўе-палыз өнимлери экспорт етиўшилер тәрепинен алдын-ала төлемсиз,  тастыйықланған банк аккредитивин ашпастан, банк кепиллигин  рәсмийлестирместен ҳәм экс­порт шәртнамаларын қамсызландырыў полиссиз шет ел валютасында экспорт етилиўи мүмкин. Соның менен бирге, экспорт етиўшилер экспорт шәртнамасын дүзбестен төмендеги шәрт­лерге әмел еткен ҳалда инвойс (счёт-фактура) тийкарында мийўе-овощ өнимлерин экс­порт етиў ҳуқықына ийе.

Атап айтқанда, жеткерип берилетуғын өнимниң суммасы экспорт бажыхана жүк декларациясын рәсмийлестириў күнинде Өзбекстан Республикасы Орайлық банкиниң курсы бойынша 20 мың АҚШ доллары эквивалентинен аспағанда: Өзбекстан Республикасы ўәкиллигиндеги коммерциялық банклердиң есап бетлерине Өзбекстан Республикасы резидент емеслеринен шет ел валютасында, атап айтқанда, банк өткермелери, халықаралық банк карталары арқалы төлемлер, сондай-ақ, коммерциялық банклердиң  алмастырыў бөлимлеринде сатып алын­ған миллий валютадағы нақ пулларын киргизиў усылында 100 процент алдынан төлем алынғанда. Экспорт шәртнамасын дүзбестен инвойс тийкарында өткерилетуғын мийўе-овощ өнимлери бажыхана уйымларында  бажыхана жүк декларациясы дизимге алынатуғын күни «Ўзагро­экспорт» АЖ рәсмий веб-сайтында көрсетилген суммадан  төмен болмаған баҳалар бойынша рәсмий­лестириледи.

Жоқарыдағы ҳәм де усы тараўда басқа да нызам ҳүжжетлер талапларын орынлаў барысында, экспорт етиў менен  шуғылланыўшы исбилерменлерге қолайлылықлар  жаратыў мақсетинде республикамыз аймағындағы бажыхана пост­лары арқалы экспорт етилип атыр­ған мийўе-овощ өнимлерине бажыхана тексериўи тамамланғаннан ке­йин үш сааттан аспаған ўақыт аралығында экспорт бажыхана жүк декларациясы рәсмийлестирилип, өнимлердиң сыртқа жиберилиўин қадағалаў тәртиби жолға қо­йылған.

Б.ЮСУПОВ,

Қарақалпақстан Республикасы Бажыхана бас­қармасы аға инспекторы,

бажыхана хызмети майоры.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF