Еркин Қарақалпақстан Вести Каракалпакстана 15:38:20, 23.10.2018
Хош келипсиз! | RSS
Сайт мазмуны

Кириў усылы

БАС МАҚСЕТ — ӨРТ ҚӘЎИПСИЗЛИГИН ТӘМИЙИНЛЕЎ

Жаз мәўсиминиң ыссы келиўине байланыслы «»Тақыятас ЖЭС акционерлик жәмийетин өрттен қорғаў бойынша өрт қәўипсизлиги бөлимшесиниң ӨҚ ҳәм ПТӨҚ инспекторлары ҳәм нәўбетши смена жеке қурамы тәрепинен бир қатар илажлар әмелге асырылмақта.

Атап айтқанда, жәмийет аймағында жайласқан цех ҳәм участкалардың өртке қарсы жағдайлары, өртке қәўипли орынларға орна­тыл­ған автоматикалық өрт өшириў ҳәм өрттен хабарландырыўшы қурылмалардың ишки ҳәм сыртқы өрт өшириў тармақларының жағдайлары объекттиң жуўапкер хызметкерлери менен биргеликте тексерип шығылды ҳәм анықланған кемшиликлер бойынша объект басшыларына хабарландырыўлар берилди.

Соның менен бирге, объекттеги ықтыярлы өрт өшириў топары ағзалары менен жүз берген өртлерди сапластырыў бойынша әмелий өрт-тактикалық шынығыўлар өткерилип барылмақта.

Объектте профилактика жумысларын алып барыў бойынша нәўбетши смена ҳәм сақшылардың хызмети күшейттирилип, ҳәзирги ўақытта «Тақыятас ЖЭС» АЖ ин өрттен қорғаў бо­йынша өрт қәўипсизлиги бөлимшесиниң ӨҚ ҳәм ПТӨҚ инспекторлары ҳәм нәўбетши смена жеке қурамы бақлаўында объекттиң өртке қарсы жағдайлары күни-түни гүзетилип келинбекте.

Станция аймағындағы ишки ҳәм сыртқы өрт өшириў тармақларын саз ҳалда услаў, керекли өрт өшириў қураллары менен тәмийинлеў, оларға барыў жолларын беккемлеў, соның менен бирге, машина залы ҳәм тағы басқа да жерлерге төгилген майларды өз ўақтында тазалаў ҳәм цехлардың өрт қәўипсизлиги бойынша қолланба талапларын орынлаў жумыслары инспекторларымыз тәрепинен қатаң қадағалаўға алынған.

Бөлимшемиздиң жеке қурамы тәрепинен Өзбекстан Республикасы Президентиниң 2017-жыл 23-майдағы «Ишки ислер уйымлары Өрт қәўипсизлиги бөлимлериниң жумысларын түп-тийкарынан жетилистириў илажлары ҳаққында»ғы қарарына муўапық, ҳәр ҳәптениң сәршемби сәнеси «Өртлер профилактикасы күни» деп белгиленген. Усы қарар талапларын орынлаў мақсетинде станция аймағында жайласқан цех ҳәм участкалардың өртке қарсы жағдайлары тексерилип, станция жумысшылары арасында өрт қәўипсизлиги қағыйдаларын сақлаў бойынша тийисли үгит-нәсият жумыслары алып барылмақта.

 С.БЕРДЕКЕЕВ,

«Тақыятас ЖЭС» АЖин өрттен қорғаў бойынша өрт қәўипсизлиги

бөлимшесиниң ӨҚ ҳәм ПТӨҚ аға инспекторы, капитан.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF