Еркин Қарақалпақстан Вести Каракалпакстана 09:37:30, 21.08.2018
Хош келипсиз! | RSS
Сайт мазмуны

Кириў усылы

ФИЗИКАЛЫҚ ШАХСЛАРҒА  ҚОЛАЙЛЫЛЫҚЛАР ЖАРАТЫЛМАҚТА

2018-жыл 22-июнь сәнесинде Өзбекстан Республикасы Минис­трлер Кабинетиниң «Физикалық шахслар тәрепинен Өзбекстан Республикасына товарларды алып өтиў тәртибин жетилис­тириўге байланыслы қосымша илажлар ҳаққында»ғы қарары қабыл етилди.

Бул қарар Өзбекстан Республикасы Бажыхана Кодекси ҳәм усы жыл 6-февральдағы Өзбекстан Республикасы Президентиниң «Физикалық шахслар тәрепинен бажыхана шегарасы арқалы товарларды алып өтиўди және де тәртипке салыў илажлары ҳаққында»ғы қарарына муўапық, сондай-ақ, нызамға әмел етиўши пуқаралар ҳәм өндирис кәрханаларының мүрәжатларын инабатқа алған ҳалда, республиканың экономикалық мәплерин қорғаў, жергиликли өндириўшилерди қоллап-қуўатлаў, жаратылған жеңилликлерди өз мәпине пайдаланыўдың алдын алыў ҳәм де физикалық тәреплердиң мәмлекетимиз шегарасының өткериў пунктлери арқалы товарларды өткизиў тәртибин еле де жетилистириў мақсетинде қабыл етилди.

Усы қарар талапларынан келип шығып, физикалық шахслар тәрепинен Өзбекстан Республикасы Мәмлекетлик шегарасының автожол (жолаўшы), темир жол ҳәм дәрьядан өткериў пункт­лери арқалы бажыхана төлемлери өндирилмейтуғын айырым товарларды алып өтиўдиң өлшем нормалары тастыйықланды. Атап айтқанда, бир календар айын­да шегараны биринши мәрте кесип өткенде кондиционер, холодильник, кир жуўыў машинасы, шаңжутқыш, газ ҳәм электр плитасы, телевизор, микротолқынлы ҳәм духовкалы печь, электргөшмайдалағыш, утюг, фен, асханакомбайны, телефон аппараты, компьютер техникасы, принтер ҳәм көп функциялы кеңсе қурылмасы, планшет компьютер, ноутбук ҳәм бир топлам асхана ыдысларын тек ғана бир данадан алып өтиўи мүмкин.

Соның менен бирге, ҳәр күни алып өтилетуғын ҳәр қыйлы  атамадағы товардан 2 килограммға шекем рухсат етиледи. Бирақ, бул товарлардың улыўма аўырлығы 10 килограмм етип  белгиленген. Атап айтқанда, 2 кг ун,  2 кг картошка, 2 кг гешир, 2 кг конфеть ҳәм 2 кг набат сыяқлы товарлардың улыўма аўырлығы 10 килограммнан аспаўы керек.  Және, алкоголь өнимлеринен 2 литрге шекем пиво, 10 қутыға шекем барлық түрдеги темеки өнимлери, 3 дана әтир, 65 грамм қымбат баҳалы металл ҳәм таслардан жасалған зергерлик буйым­лар бажыхана төлемлерисиз алып кириўге рухсат етиледи. Сондай-ақ, Өзбекстан Республикасы Мәмлекетлик шегарасындағы темир жол ҳәм дәрья өткериў пунктлери арқалы бажыхана шегарасын кесип өткенде 1000 АҚШ доллары муғдарында ҳәм де автомобиль жолы (пиядалар жолы) өткериў пунктлери арқалы бажыхана шегарасын кесип өткенде 300 АҚШ доллары муғдарындағы товарларды бажыхана төлемлерисиз алып кириўге рухсат етиледи.

Егер бажыхана шегарасынан усы нормадан зыят товарлар алып өтилсе, олардан белгиленген тәртипте бажыхана төлемлери өндириледи.

 Ж.САПАРБАЕВ,

Қарақалпақстан Республикасы Бажыхана басқармасы аға инспекторы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF