Еркин Қарақалпақстан Вести Каракалпакстана 22:26:25, 20.11.2018
Хош келипсиз! | RSS
Сайт мазмуны

Кириў усылы

ШӨЛКЕМ ЕСАБАТЫ ТЫҢЛАНДЫ

Бүгинги күнде өсип ­киятырған жас әўладты Ўатансүйиўшилик руўхында тәрбиялаў, Ўатанды қорғаў ҳәм әскерий билимлендириўди жетилистириў бойынша кең көлемли жумыслар әмелге асырылып келин­бекте.

Жақында Өзбекстан Қорғаныў­ға көмеклесиўши «Ватанпарвар» шөлкеми Қарақалпақстан Республикалық Кеңесинде шөлкем системасында жумыс дәрежесиниң барлық жөнелислери бойынша әмелге асырылған жумыслардың есабын алып барыў ҳәм алдағы ўақытта исленетуғын ўазыйпалар жөнинде нәўбеттеги есабат-сайлаў конференциясы болып өтти.

Конференцияны шөлкемниң Қарақалпақстан бөлими баслығының орынбасары М.Шамуратов бас­қарып барды.

Илажда конференциялар аралығындағы алып барылған жумыслар, шөлкемниң қадағалаў-ревизия комиссиясы тәрепинен алып барыл­ған тексериўлери, шөлкемлестириў мәселеси ҳәм конференцияға делегатларды сайлаў мәселелери көрип шығылды.

Есабат-сайлаў конференциясына Өзбекстан Жаслар аўқамы Қарақалпақстан Республикалық Кеңесинен, Қарақалпақстан Республикасы Қорғаныў басқармасынан қәнигелер ҳәм тараў басшылары сөзге шығып, алып барылып атырған жумыслар бойынша баянатлар жасады.

­ Шөлкемимизде жаслар мәлим бир маманлықты ийелеўи менен бир қатарда әскерий көнликпелерди де өзлестиреди. Соның менен бирге, сапта жүриў қағыйдалары, қурал-жарақ пенен ислесиў, әскерий тәртип ҳәм буйрықларды орынлаў, спорттың техникалық ҳәм әмелий түрлеринен сабақ алады. Буннан тысқары, шөлкем тәрепинен билим алып атырған жаслардың ўақтын мазмунлы өткериў мақсетинде ҳәр түрли спорт жарыслары турақлы өткерилип барылады ҳәм олардың терең билим ийелеўи ушын барлық шәраятлар жаратылған, - дейди шөлкемниң Қарақалпақстан Республикалық бөлими баслығының орынбасары М.Шамуратов.

Конференцияға Өзбекстан Қорғаныўға көмеклесиўши «Ватанпарвар» шөлкеми Орайлық Кеңесиниң қаржы бөлиминиң баслығы А.Валиев қатнасты.

Илаж өз-ара пикир алмасыўлар менен даўам етти.

 Ж.ИСКЕНДЕРОВ,

ҚМУ журналистика қәнигелиги 3-курс студенти.

СҮЎРЕТТЕ: илаждан көринис.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF