Еркин Қарақалпақстан Вести Каракалпакстана 15:39:19, 20.11.2018
Хош келипсиз! | RSS
Сайт мазмуны

Кириў усылы

ИМТИХАНСЫЗ  СТУДЕНТ БОЛДЫ

Жүзиў спортының республикамыз жаслары турмысына кирип келгенине онша көп ўақыт болмаса да, лекин спортшыларымыздың мәмлекет бириншилигинде қолға киргизип киятырған табыслары бәршемизди шексиз қуўанышқа бөлейди.

Бүгин Марджина Оразымбетова, Бийбигүл Меңлибаева, Дильфуза Кеңесбаева, Әдилбек Юсупбаев, Ақжар­қын Шәрибаева, Әрман Сапарбаев, Дәўран Сәрсенбаев, Айгүл Мырзағулова сыяқлы спортшыларымызды пүткил елимиздиң спорт ықласбентлери жақсы таныйды.

Жақында Самарқанд қаласында өспиримлер ҳәм жаслар арасында жүзиў бойынша Өзбекстан жазғы ашық чемпионаты болып өтип, оған республикамыздың сайланды команда ағзалары да мүнәсип түрде қатнасып қайтты. Әсиресе, олар арасында Нөкис Олимпия резервлери колледжиниң питкериўшиси Сәбит Оразбаев 200 метрге комплекс усылда жүзиўде 1-орынды ийелеп, республикамыздағы жоқары оқыў орынларына имтихансыз қабылланыў мүмкиншилигин бериўши лицензияны қолға киргизиўге миясар болды.

­ Мениң бундай жоқары көрсеткишке ерисиўимде ата-анам ҳәм тренерим Бегзат Турсыновқа шексиз миннетдарман. Алдағы ўақытлары олардың исенимин ақлап шығып, елимиз байрағын дүньяға танытатуғын спортшы болып жетилисиўге ҳәрекет етемен, -дейди Сәбит өз жетискенлигинен руўхланып.

 Ә.ОРАЗОВ.

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF