Еркин Қарақалпақстан Вести Каракалпакстана 16:32:11, 20.11.2018
Хош келипсиз! | RSS
Сайт мазмуны

Кириў усылы

ХАЛЫҚ МӘПЛЕРИ — БАС МАҚСЕТИМИЗ

Нөкис районы аймағы 4 секторға бөлинген болса, соның 3-секторында 10903 пуқара жасайды.

3-секторға «Төктаў» МПЖ, «Арбашы» ҳәм «Кердер» АПЖлары бириктирилген. Бүгинги күнге шекем сектордың исши топары тәрепинен 1385, соннан сектор басшысы тәрепинен 255 шаңарақлар үйренилди.

Оларда жәми 690 маш­қала анықланып, оларды шешиў ушын тийисли мәкеме ҳәм кәрханаларға  жиберилди. Соннан 676 машқала район көлеминде  унамлы шешип берилди, 57 машқала көрип шығылмақта, 14 маш­қала «жол картасы»на киргизилди.

Өзбекстан Республикасы Президентиниң 2017-жыл 12-сентябрьдеги «Халықтың кем тәмийинленген қатламларын қоллап-қуўатлаўға тийисли қосымша илажлар ҳаққында»ғы  қарарына муўапық, «Төктаў» МПЖ ҳәм «Арбашы» АПЖ аймақларында жасаўшы кем тәмийинленген шаңарақлар Т.Өтениязов ҳәм Қ.Қуўантаевлардың турақ жайлары оңлап берилди. Буннан тысқары, усы қарарға муўапық, кем тәмийинленген ҳәм социаллық қоллап-қуўатлаўға мүтәж «Кердер» АПЖ ҳәм «Төктаў» МПЖ аймақларында жасаўшы 23 шаңараққа хожалық бу­йымлары берилди.

«Төктаў» МПЖ аймағында жасаўшы кем тәмийинленген шаңарақлар С.Тагаев ҳәм С.Жалиевлерге денсаўлығын тиклеў ушын бир мәртелик материаллық жәрдем пулы, 31 пуқараға 2 жасқа шекемги бала күтими напақасы, 47 пуқараға 14 жасқа шекемги балалар напақасы ҳәм 41 пуқараға материаллық жәрдем пуллары берилди. 3-сектор аймағы бойынша 48 пуқара жумыс пенен тәмийинленди.

«Төктаў» МПЖ аймағындағы А.Кан көшесинде жайласқан 4 көп қабатлы турақ жайларға капитал оңлаў жумыслары алып барылған болса, «Жипек жолы» көшесине тәбийғый газ тармағы тартып берилди. Сондай-ақ, «Төрткүл» көшесиндеги 95 км аралықтағы, «Жийен жыраў» көшесиндеги 65 км аралықтағы ишки жолларға қайта оңлаў жумыслары алып барылмақта. Усы аймақтағы 82-санлы 160 кВА КТП трансформатор 250 кВАға алмастырылды.

Усының менен қатар районлық Халық қабыллаўханасы менен биргеликте тастыйықланған кесте тийкарында 3-сектор аймағындағы аўыл ҳәм мәкан пуқаралар жыйынларында «Көшпели қабыллаўлар» өткерилип, оларда пуқаралардың мүрәжатлары тыңланып, тийисли тәртипте үйренилип шығылмақта ҳәм имканы барынша өз шешимлерин таппақта.

Халықтың социаллық-экономикалық жағдайын раўажландырыўда ти­йисли жәмийетшилик ўәкиллери ҳәм сектор ағзалары менен биргеликтеги жумысларымызды еле де күшейттирип, даўам ете беремиз.

 С.КАЗБЕКОВ,

Нөкис районы Ишки ислер бөлими баслығы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF