Еркин Қарақалпақстан Вести Каракалпакстана 22:08:44, 20.11.2018
Хош келипсиз! | RSS
Сайт мазмуны

Кириў усылы

ЖУМЫСЛАР ТАЛАП ДӘРЕЖЕСИНДЕ

Өзбекстан Республикасы Президентиниң 2017-жыл 23-май күнги «Өзбекстан Республикасы өрт қәўипсизлиги бөлимлериниң жумысларын түп-тийкарынан жетилистириў ис-илажлары ҳаққында»ғы қарарына муўапық, «Тақыятас ЫЭС» акционерлик жәмийети Бас директорының 2017-жыл 20-сентябрь күнги буйрығы тийкарында ис-режелер дүзилип, сондай-ақ, ҳәптениң ҳәр сәршемби сәнесиниң «Өртлер профилактикасы күни» деп белгилениўине байланыслы бөлимимиз хызметкерлери тәрепинен жумыслар талап дәрежесинде алып барылмақта.

Жәмийет аймағында жай­лас­қан цех ҳәм участкалардың өртке қарсы жағдайлары олардың жуўапкер хызметкерлери ҳәм бөлимниң Өртти қадағалаў ҳәм профилактика топары өрт қәўипсизлиги инспекторлары менен биргеликте тексерип шығылды ҳәм анықланған кемшиликлер бойынша актлер дүзилди. Кемшиликлер ҳаққында цех ҳәм участка баслықларына жазба усыныслар берилип, олардың қысқа ўақыт ишинде сапластырылыўы қадағалаўға алынды. Ҳәптениң ҳәр сәршемби сәнесинде объект басшыларының қатнасыўында цех ҳәм участкаларда анықланған кемшиликлер талқыланып, жуўапкер шахсларға анық ўазыйпалар белгиленип берилмекте.

Жыл басынан усы күнге шекем цех ҳәм участкалардың ықтыярлы өрт өшириў дружиналары ағзалары менен биргеликте 118 исши-хызметкер қатнасыўында 6 мәрте шынығыўлар өткерилди. Исленген жумыслар бойынша республикалық газеталарда мақалалар берилип, радио ҳәм телевидение­ден еситтириў ҳәм көрсетиўлер таярланбақта. Объекттиң исши-хызметкерлери арасында үгит-нәсият жумысларын алып барыў мақсетинде 1675 хызметкердиң қатнасыўында 89 мәрте сәўбетлесиў шөлкемлестирилди. Сондай-ақ, жумыс орынларында 509 хызметкер 158 мәрте қайта инструкциядан өткерилди.

Бөлимниң Өртти қадағалаў ҳәм профилактика топары өрт қәўипсизлиги инспекторлары тәрепинен объект аймағында жайласқан өрт өшириў суў тармақлары, автомат өрт хабарлаў ҳәм өрт өшириў қурылмаларының өртке қарсы жағдайлары тексерилип, анықланған кемшиликлерди сапластырыў илажлары көрилди.

М.ЮСУПОВ,

«Тақыятас ЫЭС» АЖин өрттен қорғаўшы ӨҚБ ӨҚ ҳәм ПТ ӨҚ инспекторы, сержант.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF