Еркин Қарақалпақстан Вести Каракалпакстана 08:53:42, 18.07.2018
Хош келипсиз! | RSS
Сайт мазмуны

Кириў усылы

ӘСКЕРИЙ БӨЛИМДЕГИ  БАЙРАМ КЕШЕСИ

Мәмлекетимизде жасларды Ўатан сүйиўшилик руўхында тәрбиялаўға, руўхый дүньясы жетик ҳәм физикалық жақтан бәркамал әўладты камал­ға келтириўге, олардың ҳуқықлары менен мәплерин қорғаўға қаратылған бир қатар жумыслар әмелге асырылмақта.

Жақында Өзбекстан Республикасы Ишки ислер минис­трлиги халықаралық аэропортлар қәўипсизлигин тәмийинлеўши әскерлери бөлимине қараслы «Н» санлы әскерий бөлиминде 30-июнь — елимизде «Жаслар күни» мүнәсибети менен байрам илажы шөлкемлестирилди. Онда Өзбекстан Жаслар аўқамы Қарақалпақстан Республикалық Кеңесиниң әскерий бөлимлердеги жаслар менен бирге ислесиў бөлиминиң баслығы, капитан А.Нурыллаев, әскерий бөлим басшысы, подполковник Х.Палвановлар шығып сөйлеп, бөлимде хызмет етип атырған қатардағы әскерлерди байрам менен қутлықлады.

— Әскерий бөлимимизде жаслардың хызмет дәўирлерин  мазмунлы өткериў бойынша бир қатар нәтийжели жумыслар әмелге асырылып келинбекте,-дейди бөлимниң жаслар аўқамы жетекшиси, капитан О.Салимов. — Бунда бәрше әскерий хызметкерлерге жетерли шараятлар жаратылған. Керекли инвентарьлар менен тәмийинленген спорт зал, руўхыйлық ханасы, газета-журналлар, әскерий-жаўынгерлик турмысқа байланыслы әдебиятлар менен толықтырыл­ған китапхана да хызметтеги жаслардың физикалық саламатлығы менен биргеликте руўхый дүньясын байытыўда айрықша әҳми­йетке ийе болмақта...

  Илаж даўамында бөлимде хызмет етип атырған қатардағы әскерлер арасында ҳәр қыйлы интеллектуаллық ойын­лар шөлкемлестирилип, жеңимпаз болған қатнасыўшы­ларға Өзбекстан Жаслар аўқамы Қарақалпақстан Республикалық Кеңеси тәрепинен ҳүрмет жарлық ҳәм баҳалы саў­ғалар тапсырылды.

Байрам кешеси көркем-өнер шеберлериниң концерт бағдарламасына уласып кетти.

Ж.ИСКЕНДЕРОВ,

ҚМУ журналистика қәнигелигиниң студенти.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF