Еркин Қарақалпақстан Вести Каракалпакстана 21:18:54, 20.11.2018
Хош келипсиз! | RSS
Сайт мазмуны

Кириў усылы

МАҚСЕТИМИЗ — МҮЛКЛЕРДИ ИСЕНИМЛИ ҚОРҒАЎ

Ишки ислер уйымлары хызметкериниң баслы ўазыйпасы, өз хызмет ўазыйпасын мүнәсип орынлаў, пуқаралардың конституциялық ҳуқықларын қорғаў, жәмийетте қәўипсизликти тәмийинлеў менен биргеликте мәмлекетлик ҳәм пуқаралардың жеке мүлклериниң көздиң қарашығындай сақланыўын тәми­йинлеў бойынша өзлерине жүклетилген ўазыйпаларды терең аңлап өз Ўатаны ҳәм халқына садық хызмет етиў болып есапланады.

Усы ўазыйпаларды орынлаўда олар халық арасында нызамшылық ҳәм ҳуқықый тәртипти беккемлеў, жәмийеттиң абат турмысына қәўип салатуғын иллетлерге қарсы гүресиўде алдынғы сапта болыўы ти­йис.

Нөкис қалалық ИИБ районлар­ара Қорғаў бөлими тәрепинен 2018-жылдың 5 айы жуўмағы бойынша 308 объект соннан 26 банк мәкемелери (10 мини банк), 1 гүзетиў, 26 ҳүкимет ҳәм хожалық мәкемелери, 57 түнги сап жөнелиси объекти, 177 техникалық қорғаў пункти ҳәм де 44 пуқара үйлери қорғалып келинбекте.

Ҳәзирги күнде республикадағы мәмлекетлик, жәмийетлик  ҳәм жеке мүлкти қорғаўға арналған бирден-бир қәнигелестирилген кәрхана болып есапланған қорғаў бөлими мүлкшилик түрине қарамастан материаллық байлықларды жынайы ис-ҳәрекетлерден қорғаўдай ўазыйпаны инабатлы орынлап келмекте. Усы шәртнама тийкарында қорғалып атыр­ған халық хожалығы объектлери ҳәм пуқаралардың үйлерин қорғаўды күшейтиў бойынша көрилген илажлар нәтийжесинде олардан бирде-бир урлық ислениўине жол қо­йылмайды.

Сондай-ақ, республикада ҳуқық ҳәм нызамшылықтың сақланыўына, мәмлекетлик ҳәм жәмийетлик мүлкти талан-тараж етиўшилерге қарсы гүресиўде жынаятшылық ҳәм урлықлардың алдын алыўда ишки ислер органлары қорғаў бөлими хызметкерлери өзлериниң үлеслерин қосып келмекте. Атап айтқанда, 2018-жылдың 5 айы даўамында қорғаў бөлими хызметкерлери тәрепинен ҳуқықбузарлықларға жол қой­ған 185 пуқара ишки ислер уйымының нәўбетши бөлимине алып келинип оларға тийисли шаралар көрилди. Соның менен бирге ишки ислер бөлими хызметкерлери менен биргеликте, жынаят ислегенликте айыпланып излеўде жүрген 4 жынаятшы иркилди.

Биз ушын қорғалып турған объектлерде жүз бериўи мүмкин болған урлықлардың алдын алыў  бойынша, қорғаўдың сапалылығын арттырыў, оларға заманагөй қорғаў сигнализация үскенелерин орнатыў, исенимли қорғаў дәрежесин көтериў бо­йынша қосымша имканиятларды излеп табыўға, бизге мүлкти қорғаў ушын тапсыр­ған пуқаралар, кәрхана ҳәм мәкемелердиң исенимин ақлаў ушын бар күш ҳәм үскенелерден сапалы пайдаланыўға шақырамыз.

А.АРЗИЕВ.

Нөкис қалалық ИИБ ра­йонларара Қорғаў бөлими баслығы орынбасары, майор.

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF