Еркин Қарақалпақстан Вести Каракалпакстана 00:40:19, 21.09.2018
Хош келипсиз! | RSS
Сайт мазмуны

Кириў усылы

ОЗОНОТЕРАПИЯ — ЖҮЗ  ДӘРТКЕ  ДАЎА

Әлбетте, ҳәр биримиз денсаўлықтың теңи-тайы жоқ байлық екенлигин, бир жеримиз аўырып, азарын тартқанда ғана билеримиз бар. Булай деўимиздиң себеби, көпшилигимиз арқайынлыққа берилип, кеселлик жанымызға батқанда қозғалып, шыпакерге түрли ойлар менен толғанып барамыз.

Усы ўақытлары олардың айтқан бир аўыз жыллы сөзиниң өзи, кеўлимизди көтерип, «еле көрмегендей болып кетесең», - деген гәплери өмирге және де өзгеше көзқараста қарап, тийкарғысы денсаўлығымызға итибарлы болыўға, сақлыққа умтылдырады. Соңғы жыллары медицина тараўы барған са­йын раўажланбақта. Заманагөй емлеў үскенелери, түрли емлеў усыллары енгизилип атыр. Булардан бири Озонотерапия болып — бул озон гази жәрдеминде емлеў усылы болып есапланады. Ол озон газикислородтың актив түри болып, оның клеткаларға кирип барыўы кислородқа қарағанда 100 есе жоқарылығы 1785- жылы голланд физиги Мак Ван Марум тәрепинен анықланған. Медицинада 1896-жылдан баслап, яғный, Никола Тесла тәрепинен озон генераторы ойлап табылғаннан кейин қолланыла баслаған. Жыллар даўамында озон газиниң күшли антисептик екенлиги дәлилленген. Сондай-ақ, озон барлық түрдеги бактериялар, вируслар ҳәм заммарықларды жоқ етиўи менен әҳмийетли. Және де бул кеселликлерди емлеў менен бир қатарда, қан айланысты жақсылайды, терини, сондай-ақ, пүтин организмди тазалайды, иммунитетти беккемлейди, зат алмасыўды жақсылайды. Әййемги дәўирлерде озон гази тек ғана тери сыртына қолланылатуғын болса, ҳәзирги күнге келип тери, мускуллар ҳәм вена ишине инъекция сыпатында қолланылып атыр. Озонотерапияның вена ишине жиберилиўши түрин ҳәтте ҳәмиледар ҳаялларда да қолланыў мүмкиншилиги бар. Соның менен бирге, озонотерапия медицинаның көплеп тараўларында, атап айтқанда, хирургия, дерматология, косметология, гинекология, терапия, иммунологияда өз орнына ийе. Көпшилик кеселликлерде, әсиресе, аллергиялық кеселликлер, яғный, экзема, дерматит, псориаз,пиодермит, алопеция, гинекологиялық кеселликлер жатыр мойны эрозияси, урогенитал  хламидиоз, созылмалы исиниў процесслери, трихомогерпеслер, инфекциялық кеселликлер, жоқары демалыў жоллары кеселликлери, гепатитлер, остеомиелит ҳәм системалы кеселликлер ревматоид артрит, дерматомиозит, склеродермия, ал, ҳәмиледар ҳаялларда болса токсикоз, гестоз, кислород жетиспеўшилиги, ҳәмилениң жақсы раўажланбаўы, турақлы шаршаў, депрессия ҳалатлары, зат алмасыўы бузылыўы менен кешетуғын жағдайлар нәтийжели емлеў усылы болып есапланады.

 Сондақ-ақ, ҳәзирги күнде Республикалық қан қуйыў станциясында озонотерапияның вена ишине озон жибериў арқалы емлеў усылы қолланылмақта. Бунда вена ишине озон жибериў арқалы организмде озонидлер пайда етилип, патоген микроорганизмлердиң клетка мембранасын жарақатлайды ҳәм озон газиниң антисептикалық тәсири жүзеге келеди.

 Г.АБДРАХМАНОВА,

Республикалық қан қуйыў станциясы шыпакери.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF