Еркин Қарақалпақстан Вести Каракалпакстана 00:46:22, 21.09.2018
Хош келипсиз! | RSS
Сайт мазмуны

Кириў усылы

НЫЗАМ БУЗЫЎШЫЛАР АНЫҚЛАНДЫ

Ҳуқықый демократиялық принциплерге тийкарланған ҳәр қандай мәмлекетте нызамсыз ҳәрекетлерге жол қойылмайды. Солай екен барлық ҳәрекетлер нызам шеңберинде болғаны жақсы.

2018-жыл 6-февраль сәнесинде Өзбекстан Республикасы Президенти тәрепинен «Физикалық шахслар тәрепинен бажыхана шегарасы арқалы товарларды алып өтиўди буннан былай да тәртипке салыў илажлары ҳаққында»ғы қарары қабыл етилген еди. Қарарда физикалық шахслар тәрепинен бажыхана шегарасы арқалы товарларды алып өтиў нормалары белгиленип берилгенине қарамастан, оны шетлеп өтиў жағдайлары да ушыраспақта.

Атап айтқанда 334-санлы «Саратов-Ташкент» жөнелисиндеги жолаўшы поездының ресторан вагоны бажыхана тексериўинен өткерилгенде пуқаралар И.А, А.М, ҳәм Н.Н. лар тәрепинен бажыхана декларациясынан өтпеген, аўызеки сораўда айтылмаған, ресторан вагонының жуўыныў  ханасына қупыя жасырылған, улыўма баҳасы 205 миллион сумлық 188 дана газ есаплағышларды нызамсыз түрде республикамыз аймағына алып кирмекши болғанлығы анықланды.

Сондай-ақ, 330-санлы «Москва-Куляб» жөнелисиндеги жолаўшы поезды бажыхана тексериўинен өткерилгенде қоңсы мәмлекет пуқарасы И.С. бесинши вагонның арқа ҳәжетханасындағы айнаның төменги бөлиминдеги ағаштың артына қупыя рәўиште жасырып қо­йылған 25 дана 12 калибрли аў мылтығы гильзалары, 1991 дана капсюль, Альбумин, Нейрокс ҳәм Конкор атамасындағы дәри-дәрмақларды нызамсыз түрде Россия Федерациясынан Өзбекстан Республикасына алып кия­тырғанлығы анықланды.

Бул жағдайлар бойынша бажыхана тексериўлери даўам етпекте.

Атабек ДАНИЯРОВ,

Қарақалпақстан Республикасы Бажыхана басқармасы «Қарақалпақстан»

темир жол шегара бажыхана посты инспекторы, бажыхана хызмети киши сержанты.

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF