Еркин Қарақалпақстан Вести Каракалпакстана 21:22:51, 20.11.2018
Хош келипсиз! | RSS
Сайт мазмуны

Кириў усылы

МАШҚАЛАЛАРДЫҢ ШЕШИЛИЎИ ТӘМИЙИНЛЕНБЕКТЕ

Нөкис районында 54491 халық жасайтуғын болса, соннан 1-секторға бириктирилген аймақларда 2999 шаңарақта 16384 халық жасайды. Cектор аймағына «Қырантаў» ҳәм «Тақыркөл» АПЖ, «Ақтерек» МПЖ аймақлары кирип, халыққа 10 улыўма билим бериў мектеплери, 3 мектепке шекемги билимлендириў мәкемеси, бир кәсип-өнер колледжи, шаңарақ поликлиникасы ҳәм аўыллық шыпакерлик пункти турақлы хызмет көрсетип келмекте.

Усы жылдың бес айы даўамында район ҳәкими басшылығындағы 1-секторға бириктирилген исши топар тәрепинен 2999 шаңарақ толық үйренилип шығылып, оларда 418 машқала анықланып, соның 379ы орнында шешимин тапты. Жетеўи шешимин табыў ушын ти­йисли мәкеме, кәрхана ҳәм шөлкемлерге жиберилди. 25 машқала районлық, 7 машқала республикалық «жол картасы»на киргизилди.

Буннан тысқары район ҳәкими ҳәм Өзбекстан Республикасы Президентиниң Нөкис районындағы Халық қабыллаўханасы баслығы менен биргеликте усы жылдың 10- май күни тастыйықланған қоспа ис-илажлар бағдарламасы тийкарында «Қырантаў», «Тақыркөл» АПЖ ҳәм «Ақтерек» МПЖларының ҳәр бир аўылында кесте бойынша көшпели қабыллаўлар өткерилди. Өзбекстан Республикасы Министрлер Кабинетиниң 2013-жыл 15-февральдағы «Кем тәмийинленген шаңарақларға социаллық напақалар ҳәм материаллық жәрдем таярлаў ҳәм төлеў тәртиби ҳаққында»ғы қарарына муўапық «Тақыркөл» АПЖнан 150, «Қырантаў» АПЖнан 23, «Ақтерек» МПЖнан 18 пуқараға материаллық жәрдем берилди.

Өзбекстан Республикасы Президентиниң 2017-жыл 18-январьдағы «2017-2021 жылларда Арал бойы аймағын раўажландырыў мәмлекетлик бағдарламасы ҳаққында»ғы қарарына муўапық, сектор аймағында усы жыл даўамында «Тақыркөл» АПЖ аймағында жайласқан 2-санлы «Нәўбәҳәр» мектепке шекемги билимлендириў мәкемесине ири оңлаў жумыслары, усы аймақтағы Н-санлы әскерий округтан 3,200 млрд. сумлық 100 орынлық мектепке шекемги билимлендириў мәкемесин жаңадан қурыў, «Қырантаў» АПЖ аймағында жайласқан 3-санлы улыўма орта билим бериў мектебине ири оңлаў жумыслары баслап жиберилди.  Билимлендириў мәкемелерин оңлаў ҳәм қурыў жумысларына «Билимлендириў ҳәм медицина мәкемелерин материаллық-техникалық базасын раўаажландырыў» Фонды тәрепинен қаржылар ажыратылды.

Буннан тысқары «Ақтерек» МПЖна қараслы «Ақтерек» аўылы аймағынан «Экос» қурылысы, «Тақыркөл» АПЖна қараслы «Шағалкөпир» аўылы аймағына 650 млн. сумлық таза ишимлик суўы тармағын тартып бериў жумыслары, «Өрнек» ҳәм «Шоркөл» аўылларының жол бойларына 750 млн. сумлық ҳәм «Қырантаў» АПЖна қараслы «Шортанбай» аўылының жол бойларына 900 млн. сум муғдарындағы түнги жақтыландырыў үскенелерин қурыў жумыслары баслап жиберилди. Сектор аймағын социаллық-экономикалық жақтан раўажландырыў бо­йынша ислениўи тийис бол­ған жумыслар турақлы түрде даўам ете береди.

Әжинияз  СЕЙТАХОВ, 

Нөкис районы ҳәкими.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF