Еркин Қарақалпақстан Вести Каракалпакстана 18:22:36, 18.07.2018
Хош келипсиз! | RSS
Сайт мазмуны

Кириў усылы

ТУТЫНЫЎШЫЛАРДЫҢ  ТӨЛЕЎ  МӘДЕНИЯТЫ  ЖЕТИЛИСПЕКТЕ

Мәмлекетимиз басшысы тәрепинен Өзбекстан Республикасы Олий Мажлисине жоллаған мүрәжатынан келип шығатуғын ўазыйпалардың орынланыўын тәмийинлеў мақсетинде елимизде социал-экономикалық, исбилерменлик, мәлимлеме-технология инновациясы тараўында, мәмлекетлик басқарыў ҳәки­мияты, сондай-ақ, ҳуқық қорғаў уйымлары системасын жети­листириў бағдарында кең көлемли реформалар әмелге асырылмақта.

Президентимиздиң 2017-жыл 29-май күнги Пәрманына муўапық мәжбүрий орынлаў бюросы жумысын шөлкемлестириў системасында қабыл етилген норматив-ҳуқықый ҳүжжетлер қағыйдасы тастыйықланды. Оған бола, тутыныўшы мәжбүрий орынлаў бюросы хызметкерлери тәрепинен жүргизилетуғын тексериўлерде олардың жеке номери болған арнаўлы жетоны ҳәм хызмет гүўалығы менен танысыў ҳуқықына ийе болып, өз нәўбетинде тутыныўшы бюро хызметкерине есаплаў үскенелерин көриўге рухсат бериўи (болмаса, бундай жағдай тармақтан үзип қойылыўына себеп болыўы мүмкин), төлеўлерди тастыйықлаўшы ҳүжжетлерди усыныўы, бюро хызметкери тәрепинен мәлим етилген 5 күн мүддет ишинде қарыздарлықты мәж­бүрий рәўиште сапластырыў, үйдеги газ, электр тармақлары ҳәм суў тәмийнаты қурылмаларын жойбар тийкарында ислеп турғанын көрсетиў, бюроның жазба көрсетпелерин ҳәм миннетлемелерин өз ўақтында орынлаў муўапықлығы анық көрсетилген.

2017-жыл 16-ноябрьде Президентимиз тәрепинен «Суў тәмийнаты ҳәм суў шығарыў хызметин көрсетиў тараўында төлеў қағыйдасын түп-тийкарынан жетилис­тириў илажлары ҳаққында»ғы Пәрманы қабыл етилди. Пәр­манға муўапық, Бас прокуратура жанындағы мәжбүрий орынлаў бюросына суўдан нызамсыз пайдаланыў, ишимлик суўы ҳәм канализация тармақларына өз басымшалық пенен жалғаныў жағдайларын анықлаў, сапластырыў ҳәм алдын алыў ушын төлемлерди өз ўақтында толық өндирилиўин, тутыныўшылардың қарызын азайтыўды тәмийинлеў, суўдан тутыныўын қадағалаў ҳәм есаплағыштың заманагөй автоматластырылған системасын енгизиў процесин мониторинг етиў, суўды сатыў ҳәм тутыныўшылардың есабын жүргизиў сыяқлы ўазыйпалар жүклетилди.

2018-жыл 1-январдан баслап, барлық түрдеги тутыныўшыларға суў тәмийнаты ҳәм суў шығарыў хызметин көрсетиў 100 процент алдын ала төлем төлеў тийкарында әмелге асырылыўы, алдын ала төлем  төленбеген жағдайларда, усындай  тутыныўшы­ларға қарсы белгиленген тәртипте суў тәмийнаты ҳәм суў шығарыў системасын толық үзип таслаўға шекем болған илажлар көрилиўи, суў тәмийнаты ҳәм суў шығарыў системасынан үзип қойылған шахсларды қайта жал­ғаўда бир топар тутыныўшылардан ең кем ис ҳақының еки есеси муғдарында, 2 ҳәм 3 топар тутыныўшылардан ең кем ис ҳақының 10 есеси муғдарында төлеў қайта жалғаўды әмелге асырған шөлкем есабына  өткериў арқалы өндирилиўи, тутыныўшы суўдан пайдаланыў есаплағыш үскенелерин лазым дәрежеде эксплуатация етилиўин ҳәм сазлығы ушын жуўапкер болыўы тәртиби енгизилди. 

Райондағы суў тәмийнаты ҳәм суў шығарыў хызметин көрсетиў тараўындағы төлем қағыйдасы менен байланыслы жағдайларды талқыласақ айырым машқалалар көзге тасланады. Атап айт­қанда, ишимлик суўын жеткерип беретуғын темир қубырлар ескиргенлиги себепли район халқына суў ўақтында жеткерип берилмей атырғанлығы, «Гүлистан» АПЖ, «Чайка» ҳәм «Каватқаъла» МПЖ да қубырлардың ширигенлиги нәтийжесинде ишимлик суўы менен турақлы тәмийинлеў имканиятының шекленгенлиги, айырым жағдайларда суў есаплағыш үскенелери орнатылмағанлығы себепли, төлем орташа есап тийкарында әмелге асырып киятырғанлығы, сондай-ақ, «Сувоқова» мәмлекетлик унитар кәрханасы (ДУК) район филиалының ески техникалық базасы бүгинги күн талабына жуўап бермейтуғынлығы сыяқлы машқалалар анықланды.

Жоқарыда атап өтилген кемшиликлерди сапластырыў бо­йынша район ҳәкимлиги ҳәм Мәжбүрий орынлаў бюросы Елликқала районы бөлими тәрепинен тийисли илажлар көрилмекте. 

Н.ЮЛДАШЕВ,

 Мәжбүрий орынлаў бюросы Елликқала районы бөлими баслығы,

Әдиллик киши мәсләҳәтшиси.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF