Еркин Қарақалпақстан Вести Каракалпакстана 17:19:32, 20.06.2018
Хош келипсиз! | RSS
Сайт мазмуны

Кириў усылы

МАҚСЕТ — ЕЛДИҢ  РАЎАЖЛАНЫЎЫН  ТӘМИЙИНЛЕЎ

Өзбекстан Республикасы Президентиниң 2017-жыл 8-августтағы ПҚ-3182-санлы қарарының орынланыўын тәмийинлеў мақсетинде секторлардың штабларында  пуқараларды қабыллаў ушын барлық шараятлар жаратылған. Штабларда турақлы нәўбетшиликлер шөлкемлестирилип, белгиленген ҳүжжетлердиң толық жүргизилиўи тәмийинленген.

Сондай-ақ, секторлардың паспортлары толық ислеп шығылып, сектор ағзаларының үйме-үй жүриў ҳәм машқалаларды анықлап, оларды сапластырыў бойынша хызмет ўазыйпалары тас­тыйықланған. Атап айтқанда, усы жылдың өткен айлары даўамында район бо­йынша 4 сектор ағзалары тәрепинен жәми 2498 маш­қала анықланып, соннан 2431 машқала орнында унамлы шешип берилди, 67 машқаланы үйренип шығыў ҳәм шешилиўин тәмийинлеў ушын «жол карта»ларына киргизилди.

Сондай-ақ, өткен айлары даўамында жәми 287,2 мың доллар муғдарындағы экспорт операциялары әмелге асырылды. Атап айтқанда, ҳәким секторында 71,7 мың долларлық, прокурор секторында 195,3 мың долларлық, салық секторында 20,2 мың долларлық өнимлер экспорт етилди. Инвестиция бағдарламасына  киргизилген жойбарлардан 2 жойбар әмелге асырылып, 19210 шаңарақлардағы 1674,6 гектар қыйтақ жерлерге егилетуғын егин түрлери секторлар кесиминде бөлистирилди. Олар­ға нәл, туқым ҳәм минерал төгинлер жеткерип бериў жумыслары әмелге асырылды.

Районлық салық инспекциясы секторы ағзалары тәрепинен быйылғы жылдың өткен айлары даўамында алып барылған жумыслардың нәтийжесинде 383 жаңа исбилерменлик субъектлери шөлкемлестирилип, оларда 434 жаңа жумыс орынлары жаратылды. Өз жумысын тоқтатқан 19 исбилерменлик субъектлерине әмелий жәрдем берилиўи нәтийжесинде 11 жаңа жумыс орынлары жаратылды.

Аймақлардағы анықланған машқалаларды шешиў мақсетинде сектор басшылары тәрепинен алып барылып атырған жумыслардың нәтийжелерин көрип шығыў ҳәм жылдың ҳәр бир шерегинде сектор басшыларының есабатларын тыңлаў халық депутатлары Хожели районлық кеңеси сессиясының күн тәртибине киргизип барыў белгилеп қойылды.

Жуўмақлап айтқанда, районды социаллық-экономикалық раўажландырыў, мәмлекетлик бағдарламалардың орынланыўын тәмийинлеў, экспорт етиў, жаңа жумыс орынларын жаратыў бойынша режелериниң орынланыўы, халқымыздың машқалаларын өз ўақтында анықлаў ҳәм унамлы шешиў бойынша райондағы барлық сектор басшылары ҳәм ағзалары тәрепинен өз ўазыйпаларын  толық атқарып барыўы бойынша барлық илажлар көриледи ҳәм бул жумысларымыз даўам етеди.

Дәрьябай ҚАЙПОВ,

Хожели районы ҳәкими, халық депутатлары Хожели районлық кеңесиниң депутаты. 

СҮЎРЕТТЕ: Сектор жумысы барысынан көринис.

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF