Еркин Қарақалпақстан Вести Каракалпакстана 17:18:47, 20.06.2018
Хош келипсиз! | RSS
Сайт мазмуны

Кириў усылы

РАМАЗАН ҲАЙЫТЫН БЕЛГИЛЕЎ ҲАҚҚЫНДА

Өзбекстан Республикасы  Президентиниң қарары

Халқымыздың руўхый турмысы, миллий қәдириятларымыз бенен дәстүрлеримиздиң ажыралмас бир бөлеги болған, муқаддес ислам дининиң адамгершиликли мәнисин анық сәўлелендиретуғын Рамазан ҳайытын мүнәсип белгилеў, жәмийетимизде өз-ара ҳүрмет, мийрим-шәпәәт, жақсылық, қайыр-сақаўат ҳәм шүкиршилик сезимлерин күшейтиў, жасларымызда жоқары инсаныйлық пазыйлетлерди қәлиплестириў мақсетинде:

  1. Өзбекстан мусылманлары мәкемесиниң 2018-жылы Рамазан ҳайытының биринши күни 15-июнь жума күнине туўра келиўи ҳаққында қабыл еткен қарарын инабатқа алып ҳәм Өзбекстан Республикасы Президентиниң 2017-жыл 28-декабрьдеги «2018-жылы рәсмий сәнелерди белгилеў дәўиринде қосымша исленбейтуғын күнлерди белгилеў ҳәм дем­алыс күнлерин көшириў ҳаққында»ғы 5290-санлы Пәрманына муўапық 2018-жыл 15-17-июнь күнлери-Рамазан ҳайытының биринши үш күни байрам сыпатында кеңнен белгиленсин.
  2. Қарақалпақстан Республикасы Министрлер Кеңеси, ўәлаятлар ҳәм Ташкент қаласы ҳәкимликлери Өзбекстан ветеранларын социал­лық қоллап-қуўатлаў «Нураный» қоры, Пуқаралардың өзин-өзи басқарыў уйымлары жумысын муўапықластырыў бойынша Республикалық кеңеси ҳәм басқа да жәмийетлик шөлкемлер менен биргеликте Рамазан ҳайытының орынларда тәртипли ҳәм жоқары дәрежеде, халқымыздың миллий және диний дәстүрлерине сәйкес түрде өтиўи ушын тийисли илажларды әмелге асырсын.
  3. Өзбекстан Миллий телера­диокомпаниясына, Өзбекстан Миллий мәлимлеме агентлигине ҳәм басқа да ғалаба хабар қуралларына Рамазан ҳайытын белгилеўге байланыслы илажларды кеңнен сәўлелендириў усыныс етилсин.
  4. Усы қарардың орынланыўын қадағалаў Өзбекстан Республикасының Бас министри А.Н.Ариповқа жүкленсин.

       Өзбекстан Республикасы  Президенти   Ш.МИРЗИЁЕВ.

         Ташкент қаласы, 2018-жыл 11-июнь.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF