Еркин Қарақалпақстан Вести Каракалпакстана 17:18:25, 20.06.2018
Хош келипсиз! | RSS
Сайт мазмуны

Кириў усылы

ӨРТ ҚӘЎПИ —  ЖАСЛАР НӘЗЕРИНДЕ

20l7-202l-жылларда Өзбекстан Республикасын раўажландырыўдың бес тийкарғы бағдары бойынша Ҳәрекетлер стратегиясы ҳәм Өзбекстан Республикасы Президентиниң 2017-жыл 23-майдағы «Ишки ислер уйымлары өрт қәўипсизлиги бөлимлериниң жумысын түп-тийкарынан жетилистириў илажлары ҳаққында»ғы қарарында белгиленген ўазыйпаларды тәмийинлеў мақсетинде Қарақалпақстан Республикасы Ишки ислер министрлиги Өрт қәўипсизлиги басқармасы хызметкерлери тәрепинен жақында Нөкис қаласы компьютер ҳәм хабар технологиялары кәсип-өнер колледжинде «Өрт қәўипи — жаслар нәзеринде» викторина жарысы өткерилди.

Жарыста тийкарынан оқыўшы жаслардың ҳуқықый билим ҳәм көнликпелери көзден өткерилип, өрт қәўипсизлиги қағыйдаларының әмелде қолланылыўы менен әҳмийетли болып, оған колледждиң 4-бөлим оқыўшылары белгиленген барлық шәртлерди шеберлик пенен атқарып шығыўға еристи. Әсиресе, колледж оқыўшыларының бул бойынша таярлаған сахналық көринислери жыйнал­ғанларда үлкен тәсирлер қалдырды. Нәтийжеде жеңимпазлар анықланып, онда «Радиобайланыс ҳәм энергетика» бөлими оқыўшылары биринши орынды ийелеўге миясар болды. Барлық жеңимпазлар Қарақалпақстан Республикасы Ишки ислер министрлигиниң Өрт қәўипсизлиги басқармасы тәрепинен таярланған диплом ҳәм  баҳалы саўға менен сыйлықланды.  

 

С.ТӘҢИРБЕРГЕНОВ,

ҚРИИМ ӨҚБ инженери, лейтенант.

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF