Еркин Қарақалпақстан Вести Каракалпакстана 17:14:04, 20.06.2018
Хош келипсиз! | RSS
Сайт мазмуны

Кириў усылы

БАЛАЛАРДЫҢ  КЕЎЛИ  ШАД

Жаз айлары жас өспиримлер ушын заўықлы. Мектеп оқыўшылары демалысқа шыққан күннен баслап олардың бос ўақытларын кеўилли өткериў ушын ата-аналар, жуўапкер шөлкемлер итибарды күшейтеди.

Қоңырат районлық көзи әззилер жәмийети ҳәм китапхана жәмәәти менен биргеликте районның дем алыў бағында жас өспиримлер ушын кеше шөлкемлестирди. 

Кешеде районлық ҳаял-қызлар комитети баслығы Ж.Әметова, ра­йонлық нураный қоры баслығы А.Нурыллаев, районлық Қызыл Ярым Ай жәмийети баслығы  Г.Илясова ҳәм басқалар кишкенелерди қутлықлап шығып сөйледи. Халық демократиялық партиясы ра­йонлық кеңеси, «Үстиртгаз», «Қызыл Ярым Ай» жәмийети, «Нураный», «Мәҳәлле» қорлары, «Темир жол жолаўшыларды тасыў ҳәм хызмет көрсетиў» кәрханалары тәрепинен жәмийет ағзаларының 50 ден аслам балаларына саўғалар тапсырылды.

Кишкенелер бағдағы ҳәр түрли аттракцион ойынларында ойнап кеўиллери шад болды.

 М.ҚЫЛЫШБАЕВ,

Қоңырат районлық көзи әззилер жәмийети баслығы.

 

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF