Еркин Қарақалпақстан Вести Каракалпакстана 17:02:56, 23.10.2018
Хош келипсиз! | RSS
Сайт мазмуны

Кириў усылы

БАЛАЛАРҒА  БАЙРАМ   САЎҒАЛАРЫ

Бала  — өмир гүли. Перзент саў-саламат болса ғана ҳәр бир  шаңарақ нәресте күлкиси менен қуўанышқа толады. Инсан баласы барлық табысларына ҳәм қуўанышларына тек саламатлығының арқасында ғана ериседи.

Жақында 1-июнь —  Халық­аралық балаларды қорғаў күни байрамы мүнәсибети менен Өзбекстан кәсиплик аўқамлары федерациясының Қарақалпақстан кәсиплик аўқамлары шөл­кем­лестириў бирлеспеси кеңеси, Тақыятас районы ҳәкимлиги, районлық медицина бирлеспеси ҳәм «Дослық» МПЖ хызметкерлери Тақыятас районындағы балалығынан майып болып туўылған балалар Нурсултан Сапарбаев ҳәм Илҳам Азатовлардың ҳал-жағ­дайынан хабар алып, оларды байрам менен қутлықлады. Сондай-ақ, олар­ға майыплық арбашасын ҳәм байрам саў­ғаларын инам етти.

— Мениң балам Илҳам Азатов 2005-жылы туўма майып болып дүньяға келди. Президентимизге ҳәм ҳүкиметимизге рахмет. Мине, бүгин балама ма­йыплық арбашасын саўға етти. Елимиздеги социаллық жәрдемге мүтәж шаңарақларға, ма­йыплығы болған инсан­ларға көрсетип атыр­ған аталарша ғамқорлығы, медициналық-социаллық жәрдеми ушын шексиз миннетдармыз. Илайым, бахты­мызға Елбасшымыз аман болсын,-дейди анасы Шолпан Шылымбетова.

С.ОРАЗЫМБЕТОВ,

өз хабаршымыз.

Тақыятас районы.

СҮЎРЕТТЕ: (шептен оңға қарай) Балалығынан майып И.Азатовтың анасы Ш.Шылымбетова, районлық медицина бирлеспеси хызметкери Т.Тангирбергенов, «Дослық» МПЖ баслығы  Ж.Аметов ҳәм Өзбекстан кәсиплик аўқамлары федерациясының Қарақалпақстан кәсиплик аўқамлары шөлкемлестириў бирлеспеси кеңеси ўәкили Қ.Бекманова ҳәм Тақыятас районы ҳәкими орынбасары Р.Нигматовлар балалығынан майып И.Азатовқа майып­лық арбашасын тапсырып атырған ўақты.

Автордың түсирген сүўрети. 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF