Еркин Қарақалпақстан Вести Каракалпакстана 07:22:39, 22.10.2018
Хош келипсиз! | RSS
Сайт мазмуны

Кириў усылы

ҚАРАРЛАРҒА  ТҮСИНИК

Қарақалпақстан Республикасы Әдиллик министрлиги тәрепинен елимизде қабыл етилген нызам ҳүжжетлериниң мазмун әҳмийетин халыққа таныстырыў бойынша жумыслар нәтийжелилигин арттырыўға бағышланған брифинг болып өтти.  Оған усы тараў хызметкерлери ҳәм журналистлер қатнасты.

Брифингти минис­трликтиң ҳуқықый үгит-нәсият ҳәм ағартыўшылық мәселелери бөлими баслығы А.Өтеўлиев Өзбекстан Республикасы Президенти ҳәм Ҳүкимети тәрепинен қабыл етилген қарар ҳәм пәрманлардың әҳмийетин ғалаба хабар қураллары арқалы кең жәмийетшиликке жеткерип бериў бойынша қатнасыўшы­ларға түсиник берип өтти.

Атап өтилгениндей, 2018-жыл 14-майда Президентимиз тәрепинен қабыл етилген  «Өзбекстан Республикасы Қураллы күшлери әскерлери ҳәм олардың шаңарақ ағзаларын социаллық қоллап-қуўатлаўға байланыслы қосымша илажлар ҳаққында»ғы қарары қабыл етилди. Онда республика жоқары оқыў орынларына улыўма белгиленген қабыллаў көрсеткишлери квотасынан тысқары, әскерий жоқары оқыў орынларына болса курсантлардың улыўма қабыллаў санынан 5 процент мәмлекетлик грант тийкарында қабыллаў квотасы ажыратылады. Квота тийкарында кириў ҳәм де грант тийкарында билим алыў ҳуқықына тийисли министрлик ҳәм шөлкемлериниң усыныснамаларына ийе болған әскерий хызметкерлердиң перзентлери ийе болады. Сондай-ақ, буннан тыс­қары 2018-2019-оқыў жылынан баслап әскерий хызметти өтеўде қайтыс болған, сондай-ақ, әскерий хызметти өтеўде жарадар бол­ған, контузия, жарақат алыў нәтийжесинде майып болып қалған ямаса кеселликлерге дуўшар болған әскерий хызметкерлердиң перзентлери жоқары билимлендириў мәкемелериниң бакалавриат бағдарына мәмлекетлик грант тийкарында таңлаўсыз қабыл етилиўи белгиленген.

Ал, усы жылдың 18-май сәнесинде болса, Президентимиз тәрепинен «Турмыслық шығындылар менен байланыслы жумысларды әмелге асырыў системасын және де жетилистириў илажлары ҳаққында»ғы қарары қабыл етилди. Қарарға муўапық 2018-жылдың  1-августынан баслап турмыслық шығындыларды топлаў ҳәм алып шығыў жумысын әмелге асырыў ушын аймақлар исбилерменлик субъектлерине мәмлекет-жеке шериклик тийкарында бириктирилип бериледи. Аймақларды исбилерменлик субъектлерине бириктирип бериў аукцион жолы менен «E-IJRO AUKSION» электрон саўда майданшасы арқалы әмелге асырылады. Соның менен бирге 2019-жыл 1-январьдан баслап полимер плёнкалы пакетлерди бийпул бериў, олардың баҳасын товарлар баҳасына қосыў, өзине түсер баҳасынан төмен баҳада сатыў белгиленгенлиги бойынша да айрықша тоқтап өтти.

 Әлбетте, бундай брифинглердиң шөлкемлестирилиўи жаңалықларды кең жәмийетшиликке баян етиўде әҳмийетли болып табылады.

А.ОРАЗОВ.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF