Еркин Қарақалпақстан Вести Каракалпакстана 09:49:33, 23.06.2018
Хош келипсиз! | RSS
Сайт мазмуны

Кириў усылы

ҚАМСЫЗЛАНДЫРЫЎ  ҚАҒЫЙДАЛАРЫ ТҮСИНДИРИЛДИ

Жақында «Өзбекстан почтасы» акционерлик жәмийети Қарақалпақстан филиалы мәжилислер залында «ALSKOM» қамсызландырыў компаниясы тәрепинен почта хызметкерлериниң билим ҳәм ис-тәжирийбесин арттырыў мақсетинде оқыў семинар болып өтти. Оған «Өзбекстан почтасы» акционерлик жәмийети Қарақалпақстан филиалының ра­йон ҳәм қалалық почта бөлимлериниң хызметкерлери  қатнасты.

Илажда «ALSKOM» қамсызландырыў компаниясы менеджери М.Ерназаров сөзге шығып, транспорт қураллары ийелериниң пуқаралық жуўапкершилигин мәжбүрий қамсызландырыў қағыйдалары, сондай-ақ, мәжбүрий қамсызландырыў  шәртнамасын дүзиў, өзгертиў ҳәм мүддетинен алдын тоқтатыў тәртиби, олардың шекленген дәрежеси, дүзилмеси ҳәм қамсызландырыў  сыйлығын белгилеўде қамсызландырыў компаниясы тәрепинен оларды қоллап-қуўатлаў бойынша қатнасыўшыларға түсиник берди.

Атап өтилгениндей, бүгинги күни мәлимлеме-коммуникация технологияларының кескин раўажланып барыўында халық хожалығының түрли тармақларында, соның ишинде почта тараўында да заманагөй хызмет түрлериниң енгизилиўине себеп болмақта. Раўажланған мәмлекетлер тәжирийбеси соны көрсетпекте почта системасы өзиниң күнделикли хызметлеринен тысқары қамсызландырыў хызметин сатыў, кредит операцияларын әмелге асырыў сыяқлы қосымша хызмет түрлерин атқармақта. Бул бағдарда мәмлекетимизде де «Өзбекстан почтасы» ҳәм «ALSKOM» қамсызландырыў компаниясы арасында жеке тәртиптеги бахытсыз ҳәдийселерден қамсызландырыў полислерин кең жәмийетшилик арасында сатыў өз-ара байланыс тийкарында әмелге асырылып келинбекте.  «Өзбекстан почтасы» арқалы сатылатуғын компанияның қамсызландырыў хызметлери де бар. Атап айтқанда, транспорт қураллары ийелериниң пуқаралық жуўапкершилигин қамсызландырыў түри мәжбүрий есапланып, бул бойынша қабыл етилген нызамға муўапық ҳәр бир автотранспорт ийелериниң жуўапкершилиги қамсызландырылыўы шәрт. Егер де қамсызландырылмаған жағдайлар анықланса, нызамшылыққа муўапық тийисли жәриймалар қолланылыўы белгиленген.

Семинар соңында қатнасыўшылар жоқарыда атап өтилген мәселелерге байланыслы қәнигелерге мүрәжат етип, олар­ға тийисли жуўаплар алды.

А.ОРАЗОВ,

арнаўлы хабаршымыз.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF