Еркин Қарақалпақстан Вести Каракалпакстана 17:08:57, 20.06.2018
Хош келипсиз! | RSS
Сайт мазмуны

Кириў усылы

«ҲӘР БИР  БАЛАҒА  МЕҲИР,  ИТИБАР»

1-июнь — Халықаралық балаларды қорғаў күни мүнәсибети менен Республикамыздағы бир қатар министрликлер ҳәм тийисли шөлкемлердиң қатнасыўында, қоспа реже тийкарында  «Ҳәр бир балаға меҳир, итибар» атамасындағы бир қатар илажлар алып барылмақта. Усы реже тийкарында  Хожели районындағы 1-санлы «Меҳрибанлық үйи»нде де байрам бағдарламасы шөлкемлестирилди.

 Кешеде Қарақалпақстан Республикасы Министрлер Кеңесиниң баслығы Қ.Сариев, Қарақалпақстан Республикасы Жоқарғы Кеңесиниң комитет баслығы Д.Қурбаниязов, Қарақалпақстан Республикасы Прокуроры Р.Рахматов ҳәм басқалар шығып сөйлеп, балаларды байрам менен қутлықлады. Олар балаларға жаратылып атырған имканиятларға кеңнен тоқтап, келешекте елимизге мүнәсип перзентлер болып жетисиўлерине тилеклеслик билдирди. Бундай дыққат-итибар ҳәм қәўендерлик ислери ушын «Меҳрибанлық үйи» директоры Сон Светлана Михайловна қәўендер мәкемелерге жәмәәти атынан өз миннетдаршылығын билдирди. Байрам кешесинде С. Хожаниязов атындағы жас тамашагөйлар театры актёрлары тәрепинен  ертек қаҳарманларының қатнасыўында сахналық көринислер қойып берилди. Сондай-ақ, «Меҳрибанлық үйи» тәрбияланыўшыларынан дүзилген  «Таң шуғласы» ансамблиниң концерт бағдарламалары байрамға заўық бағышлап, балалар аяқ ойынға түсип, кеўилли дем алды.

Балаларды қорғаў күнине арналған илаж­ға Өзбекстан Миллий олимпиада комитетиниң президенти У.Аҳмаджонов басшылығындағы делегация да қатнасты. Илаж даўамында Өзбекстан Олимпиада сайланды командалары футболшыларының қатнасыўында мастер-класс шөлкемлестирилди. Футболшылар «Меҳрибанлық үйи» тәрбияланыўшылары менен дослық футбол ушырасыўын өткерди. Буннан соң Миллий олимпиада комитети президенти ҳәм спортшылар балаларға Өзбекстан Республикасы Президентиниң саўғаларын тапсырды.     

 «Балаларды ҳәм шаңарақты қоллап қуўатлаў ассоциациясы» тәрепинен «Меҳрибанлық үйи»ниң бес тәрбияланыўшысына 1-июнь — Халықаралық балаларды қорғаў күни мүнәсибети менен Россия Федера­циясында шөлкемлестирилип атырған байрам салтанатларына қатнасыў ушын «Детс­кий фонд России» қорының жолламасы алып берилди.

 Қарақалпақстан  хабар агентлиги.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF