Еркин Қарақалпақстан Вести Каракалпакстана 04:20:42, 19.08.2018
Хош келипсиз! | RSS
Сайт мазмуны

Кириў усылы

ЖОҚАРҒЫ  КЕҢЕСТЕГИ ҚАБЫЛЛАЎ

Қарақалпақстан Республикасы Жоқарғы Кеңесинде ЮНИСЕФ балалар шөлкеминиң Өзбекстандағы ўәкилханасының басшысы Саша Грауманнды қабыллаў мәресими болды.

Илажда  Қарақалпақстан Республикасы Жоқарғы Кеңесиниң Баслығы М.Ерниязов мийманды республика­мызға сапары менен қутлықлап, ЮНИСЕФ пенен бирге ислесиўдиң бүгинги жағдайы, оны раўажландырыў мәселелерине ҳәм келешектеги режелерге тоқтап өтти.  Бунда усы абырайлы шөлкем менен 2016-2020-жылларға мөлшерленген бирге ислесиў бағдарламасының қабыл етилгенлигин айрықша атап өтиў керек.  Өткен жылы июнь айында БМШ тың Бас хаткери Антониу Гутерриш республикамызда, соның ишинде Мойнақ районында болып, Арал апатшылығының ақыбетлерин сапластырыў бағдарында әмелге асырылып атыр­ған жумыслар менен танысты ҳәм жергиликли халық пенен сәўбетлести.

Өз гезегинде ЮНИСЕФ балалар шөлкеминиң Өзбекстандағы ўәкилханасының басшысы Саша Грауманн жыллы жүзлилик пенен қабыл еткени ушын республикамыз басшысына миннетдаршылық билдирди. Алдағы ўақытлары Арал апатшылығынан жәбир көрип атырған халықтың денсаўлығын беккемлеў, фармацевтика тармағын раўажландырыў, билимлендириў тараўларында бирге ислесиў бойынша әмелге асырылатуғын ўазыйпаларға тоқтап өтти.

Илажда келешекте бирге ислесиў бо­йынша пайдалы пикир алысыўлар болды.

 Қарақалпақстан  хабар агентлиги.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF