Еркин Қарақалпақстан Вести Каракалпакстана 09:54:13, 23.06.2018
Хош келипсиз! | RSS
Сайт мазмуны

Кириў усылы

ТАРАЎДЫ ЖЕТИЛИСТИРИЎШИ  ӘҲМИЙЕТЛИ ҲҮЖЖЕТ

«Ўзбекэнерго» акционерлик жәмийети елимиз экономикасын, халыққа хызмет көрсетиў дәрежесин жақсылаўда унамлы жумысларды атқарып келмекте. Атап айтқанда, электр энергиясын ислеп шығарыў қуўатлылығы артып, жаңа заманагөй техника ҳәм технологиялар менен тәмийинлениўи тараўға өзгерислер алып келди.

Әсиресе, 2017-жыл 12-декабрьдеги Өзбекстан Республикасы Президентиниң «Халыққа мәмлекетлик хызметлер көрсетиўдиң миллий системасын түп-тийкарынан реформалаў илажлары ҳаққында»ғы Пәрманында айырым жағдайларда пуқаралар мәмлекетлик уйымға мүрәжат етиўде тийкарсыз қәрежетлерге дус келип атыр­ғаны, мәлимлеме-коммуникациялық технологиялар енгизиўдиң төмен дәрежеде екени, қағаз ҳүжжетлери айланысының сақланып қал­ған үлгилери гезеклердиң жүзеге келиўине себеп болып атырғаны атап өтилген еди.

Ҳақыйқатында да, тутыныўшылар электр энергиясы тармақларына жалғаныўға көп ўақтын жоғалтар еди. Пәрманның әҳмийетли тәрепи, «Бир айна» принципи тек ғана исбилерменлик субъектлерине емес, ал, тиккелей пуқараларға да хызмет көрсетеди.

Ал, Өзбекстан Республикасы Минис­трлер Кабинетиниң 2018-жыл 31-марттағы «Инженерлик — коммуникация тармақларына жал­ғаныў бойынша мәмлекетлик хызметлер көрсетиўдиң ҳәкимшилик регламент­лерин тастыйықлаў ҳаққында»ғы қарары, тараўды буннан былай да жетилистириўге сай ислеп шығылғаны менен қунлы.

Қарарда юридикалық ҳәм физикалық шахсларды электр тармақларына жал­ғаў бойынша мәмлекетлик хызметлер  көрсетиўдиң ҳәкимшилик регламент бо­йынша тутыныўшылардың электр тармақларына жал­ғанып атырған жаңа ҳәм реконструк­цияланыўшы электр қурылмалары, сондай-ақ, жалғанған қуўатлылық муғдары көбейместен электр тәмийнаты схемасы өзгериўине алып келетуғын электр тәмийнаты исенимлилиги категориясы, жалғаныў точкалары, ислеп шығарыў хызмети түрлери өзгертилгенде әмел етиледи.

Өзбекстан Республикасында Электр энергетикасын қадағалаў бойынша мәмлекетлик инспекциясы «Ўздавэнергоназорат» мәмлекетлик инспекциясы қуўатлылығы 20 кВт. тан жоқары болған электр энергия­сы тутыныўшылары ушын электр тәмийнаты жойбарын келиседи, буған қосымша тутыныўшылардың электр қурылмаларын иске түсириў ушын рухсатнама береди.

Сондай-ақ, тутыныўшыларға, атап айт­қанда, исбилерменлерге жеңиллик жаратыў мақсетинде конди­цио­нер, суў насосы ҳәм  бас­қа да электр үскенелерин, жәми  20 кВт ға дейинги электр энергиясы менен иркинишсиз хызмет көрсетиў жумыслары буннан былай,  ҳеш қандай тосқынлықларсыз әмелге асырылады. 

Жуўмақластырып айтқанымызда, қарар менен мәмлекетлик хызметлер көрсетиўдиң жаңа шөлкемлестириў тийкарлары  турмысқа енгизилмекте. Өз гезегинде «Ўздав­энерго­назорат» мәмлекетлик инспекциясының Қарақалпақстан Республикасы аймақлық бөлими инспекторлары, кәрхана ҳәм шөлкемлерде қарардың әҳмийети, абзаллығы ҳаққында түсиндириў жумысларын алып бармақта.

Б.ЗАРИМОВ,

«Ўздавэнергоназорат» мәмлекетлик инспекциясының

Қарақалпақстан Республикасы аймақлық бөлими инс­пекторы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF