Еркин Қарақалпақстан Вести Каракалпакстана 17:14:32, 23.10.2018
Хош келипсиз! | RSS
Сайт мазмуны

Кириў усылы

ҲАЎА  РАЙЫ   ҚАНДАЙ  БОЛАДЫ?

Өткен екшемби күни гүзетилген сал­қын ҳаўа райы ҳәм онда көтерилген шаң-тозаң республикамыз пуқараларын қәўетерге салды. Бизлер бул тәбият қубылысларының сырын билиў мақсетинде Қарақалпақстан Гидрометеорология басқармасына мүрәжат етип, олардан халқымызды қызық­тыр­ған сораўларға жуўаплар алдық.

Басқарма хызметкерлериниң мәлимлеўинше, шемби күни республикамыз аймағында ҳаўа райы ашық болып, самал тезлиги штиль ҳалында бақланған. Ҳаўаның температурасы күндизги ўақытлары 37-39 градусқа дейин көтерилиўи нәтийжесинде топырақтың жоқары қатламындағы қаплан­ған ығаллықлар парланып, 1-10 сантиметр қалыңлықта қурғақшылық пайда болған. 27-май күни болса, арқа-батыс тәрептен келген суўық ҳаўаның тәсиринде жер бетиндеги самалдың тезлиги 10-15 метр секундтан 22-27 метр секундқа жетип, бул самал күши тәсиринде жер бетинде пайда болған қурғақ топырақтың көтерилиўине алып келген. Нөкис қаласындағы бақлаў орнында ҳаўадағы шаңның муғдары 0,50 ПДКны қурап, бул нормадан 3 есе көп екенлигин көрсетти. Бундай жағдай республикамыздан тысқары Хорезм ўәлаятында да гүзетилген.

— Алдағы ўақытлары республикамызда ҳаўа райы қандай болыўы күтилмекте!

— Бизиң бақлаўларымызға қарағанда, 29-30-май күнлери түнде ҳаўаның температурасы 8-13, күндиз 23-28 градус, 31-май ­ 6-июнь күнлери аралығында түнде 13-18, күндиз 30-35 градус жыллы болыўы күтилмекте. Июнь айында ҳаўаның орташа температурасы нормада болып, биринши ҳәм үшинши он күнликте қысқа мүддетли жаўын-шашын болыўы мүмкин.

Жазып алған: Ә.ОРАЗОВ,

арнаўлы хабаршымыз. 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF