Еркин Қарақалпақстан Вести Каракалпакстана 07:16:27, 22.10.2018
Хош келипсиз! | RSS
Сайт мазмуны

Кириў усылы

«АВТОТЕСТ-НУКУС»  ЖӘМИЙЕТИНИҢ  ҚАЙЫРҚОМЛЫҚ ИЛАЖЫ

Мүбәрек Рамазан айы  мүнәсибети менен «Автотест-Нукус» жуўапкершилиги шекленген жәмийети тәрепинен қа­йырқомлық акциясы өткерилди.

Атап айтқанда, Шымбай «Мүриўбет» майыплығы болған шахслар ушын ерлер интернат үйине, Хожели «Мүриўбет» ма­йыплығы болған шахслар ушын ҳаяллар интернат үйине, Тақыя­тас урыс ҳәм мийнет ветеранлары санаториясына, Қарақалпақстан Республикасы майыплығы болған шахсларды реабилита­циялаў ҳәм протезлеў орайына  майыплар арбашасы тапсырылды.

— Өзбекстан Республикасы Президентиниң 2018-жыл 11-майдағы «Мүбәрек рамазан айын мүнәсип түрде өткериў ҳаққында»ғы қарарының орынланыўын тәмийинлеў шеңберинде бул акция пүткил елимиз бойлап өткерилди,-дейди «Автотест-Нукус» жуўапкершилиги шекленген жәмийети директорының орынбасары Камал Омаров. — Соның ишинде бизиң республикамыздан еки арнаўлы интернат үйлерине, санатория ҳәм реабилитация орайына бес дана майыплар арбашасы берилди.

Еслетип өтемиз, «Автотест-Нукус» жуўапкершилиги шекленген жәмийети Өзбекстан Республикасы Министрлер Кабинетиниң 2017-жыл 4-сентябрьдеги «Инновацион оқытыў методикаларын енгизиў жолы менен айдаўшыларды таярлаў ҳәм қайта таярлаў, сондай-ақ олардың қәнигелигин арттырыў системасын буннан былай да жетилистириў ҳаққында»ғы қарары тийкарында өз жумысын баслаған еди. Жол ҳәрекети қәўипсизлигин, пуқаралардың өмири ҳәм саламатлығын тәмийинлеў, жол-транспорт ҳәдийселериниң алдын алыў илажларын күшейтиў, сондай-ақ, оқыў процесине инновациялық усылларды енгизиў мақсетинде ашылған бул оқыў орнын бүгинги күнге юридикалық шахсларға тийисли автотранспорт қуралларын басқаратуғын 4 мыңнан зыят айдаўшы өзлериниң қәнигелигин арттырып, арнаўлы сертификатқа ийе болды.

Қарақалпақстан  хабар агентлиги.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF