Еркин Қарақалпақстан Вести Каракалпакстана 08:57:49, 22.10.2018
Хош келипсиз! | RSS
Сайт мазмуны

Кириў усылы

ТРЕНЕР-ОҚЫТЫЎШЫЛАРҒА ЖЕҢИЛЛИКЛЕР

Өзбекстан Республикасы Президенти Шавкат Мирзиёев орынларда социаллық-экономикалық реформалардың барысы, халқымыздың турмыс дәрежесин ҳәм сапасын буннан былай да арттырыўға қаратылған дөретиўшилик ҳәм абаданластырыў жумыслары менен жақыннан танысыў, халық пенен ушырасыў және пикирлесиў мақсетинде Қарақалпақстанда болғанында спорт объектлери ҳәм тараўда әмелге асырылып атырған жумысларды көзден өткерип Қарақалпақстан Республикасында Дене тәрбия ҳәм спорт қәнигелериниң тәжирийбе арттырыўы бойынша көшпели курсларды шөлкемлестириў бойынша бир қатар тапсырмалар берген еди.

Усы тапсырманы ҳәм Өзбекстан Республикасы Президентиниң 2017-жыл 9-марттағы «Өзбекстан спортшыларын 2020-жылда Токио қаласында (Япония) болып өтетуғын XXXII жазғы Олимпиада ҳәм XVI Паралимпия ойынларына таярлаў ҳаққында»ғы, 3-июньдағы «Дене тәрбия ҳәм ғалабалық спортты буннан былай да раўажландырыў илажлары ҳаққында»ғы қарарларында көрсетилген талапларды орынлаў мақсетинде Өзбекстан мәмлекетлик дене тәрбия институты жанындағы Дене тәрбия ҳәм спорт бойынша қәнигелерди илимий-методикалық тәмийинлеў, қайта таярлаў ҳәм олардың тәжирийбесин арттырыў Орайынан келген бир топар қәнигелер усы жылдың 2-май күнинен берли Нөкис спорт колледжинде оқыў курсларын алып бармақта. Тийкарынан бунда гандбол ҳәм стол тенниси бойынша еки топар шөлкемлестирилип, республикамыздың барлық қала ҳәм районларында жумыс ислейтуғын 51 тренер-оқытыўшы тәжирийбе арттырыў бо­йынша оқыў курсларына қабыл етилди.

— Бундай көшпели оқыў курсларының шөлкемлестирилиўи бизлер ушын үлкен жеңиллик болды.  Себеби, бизлер Ташкент қаласына бармай өзимиздиң қаламызда тараўдағы белгили профессор-оқытыўшылар тәрепинен тастыйықланған оқыў режеси тийкарында  теориялық ҳәм әмелий сабақлар алып өз билим ҳәм көнликпелеримизди арттырып келмектемиз,-дейди Қанлыкөл районындағы балалар ҳәм жас өспиримлер спорт мектебиниң тренер-оқытыўшысы Азат Мамутов.

Оқыў-курсының жуўмағы бойынша усы жылдың 24-май күни тренер-оқытыўшы­ларға сертификатлар тапсырылады.

Р.АРЫСЛАНБАЕВ.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF