Еркин Қарақалпақстан Вести Каракалпакстана 01:00:07, 20.10.2018
Хош келипсиз! | RSS
Сайт мазмуны

Кириў усылы

ТАҢЛАЎ ЖЕҢИМПАЗЫ

Нөкисте «Мийирбийке-2018» таңлаўының Қарақалпақстан Республикалық бас­қышы болып өтти. Онда қалалық, районлық басқышларда, арнаўлы медицина мәкемелеринде өткерилген басқышларда жеңимпаз болған 21 мийирбийке қатнасып өз-ара бел­лести.

Мийирбийкелер беллесиўи үш шәрт бойынша әмелге асырылды. Биринши шәртте олардың медицина тараўы бойынша әмелий билимлери сынақтан өтти. Соң олардың теория­лық билимлери берилген сораўлар арқалы анықланды. Ал, үшинши шәртти орынлаў ми­йирбийкениң өзи, кәсиби, жасап атырған қаласы, районы, жумыс ислеп атырған ра­йонындағы жаңалықлар, өзгерислер, реформалардан хабардарлығы сахнада өзи қәлеген формада әмелге асырылды. Таңлаў шәртлериниң орынланыўы жоқары оқыў орынларының профессор-оқытыўшылары ҳәм қәнигелери тәрепинен баҳаланып барылды.

Жарыс жуўмағы бойынша Нөкис районлық медицина бирлеспеси тез жәрдем бөлиминиң мийирбийкеси Ҳүрзия Идирисова биринши,  Республикалық балалар көп тармақлы медицина орайының мийирбийкеси Гүлжамал Абыллаева екинши, Кегейли ра­йонлық медицина бирлеспеси туўыў бөлиминиң мийирбийкеси Рая Аманкулова үшинши орынды ийеледи.

Жеңимпазлар шөлкемлестириўшилер тәрепинен таярланған арнаўлы диплом ҳәм баҳалы саўғалар менен сыйлықланды.

 Ә.Жиемуратов,

Қарақалпақстан хабар агентлигиниң хабаршысы.

М.Ҳабибуллаевтың түсирген сүўрети.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF