Еркин Қарақалпақстан Вести Каракалпакстана 16:36:38, 20.11.2018
Хош келипсиз! | RSS
Сайт мазмуны

Кириў усылы

ЖУМЫСЛАРДЫ  ЕЛЕ  ДЕ  ЖАНЛАНДЫРАМЫЗ

Ҳүрметли Президентимиз тәрепинен «Аймақлардың жедел социал-экономикалық раўажланыўын тәмийинлеўге байланыслы әҳмийетли ис-илажлар ҳаққында»ғы қарарының орынланыўын тәмийинлеў бойынша райондағы секторлар тәрепинен кең көлемли ис-илажлар орынланбақта.

Мине солар қатарында Тахтакөпир районында 2-сектор баслығы болған район прокуроры К.Бекмуратовтың басшылығында сектор ағзалары менен биргеликте аймақты абаданластырыў, көклемзарластырыў, шаңарақлардың жасаў жағдайларын жақсылаў мақсетинде оларға ең керекли таза ишимлик суўын жеткериў, газ, электр энергиясы менен үзликсиз тәмийинлеўди шөлкемлестириў, жумыссызлық ҳәм жынаятшылықтың алдын алыў, аймақта исбилерменликти кең ен жайдырыў, жаңадан қабыл етилип атырған пәрманлар, қарарлар менен таныстырыў  ҳәм тағы басқа да усы бағдардағы илажлардың орынланыўында әмелий жәрдемлер көрсетилип, аймақ турғынларының машқалалы мәселелерин үйренип, нызамлы түрде шешилиўин тәми­йинлеўде жақыннан жәрдемлер берилмекте.

Атап айтқанда, 2-секторда 4 аўыл ҳәм мәкан пуқаралар жы­йынлары бар болып, онда 1567 шаңарақта 9158 пуқара жасайды. Халықтың кем тәмийинленген қатламларын социаллық қоллап-қуўатлаў бағдарындағы жумыслардан сектор аймағындағы жасаўшы шаңарақларға бийпул мийўе нәллери тарқатылып берилип, жәми 275,9 гектар қыйтақ жерге мийўе нәллери тигилди. Сондай-ақ, Өзбекстан Республикасы Президентиниң 2017-жыл 12-сентябрьдеги «Халықтың кем тәмийинленген қатламларын қоллап-қуўатлаў бойынша илажлары ҳаққында»ғы қарарының орынланыўын тәмийинлеў бойынша 5 шаңарақтың турақ жайларына ири оңлаў жумыслары исленип, 30 шаңараққа турмыслық техникалар, 7 шаңараққа газ плита ҳәм газ баллонлары берилди. Ал, 3 шаңараққа медициналық жәрдемлер көрсетилип, 4 шаңараққа шарўашылық пенен шуғылланыўы ушын жеңиллетилген кредитлер ажыратылды.

Усылар менен бир қатарда, секторымызда кекселер, напақадағылар ҳәм майыпларға социаллық жәрдемлер көрсетиў, халықтың жәрдемге мүтәж қатламларын социаллық қорғаў ҳүкиметимиз сиясатының тийкарғы буўыны есапланады. Сол тийкарда 7 пуқара 276 мың сумлық ҳаса таяқлар, 4 пуқара майыплар арбашасы, 1 пуқара қолтық таяғы ҳәм де 2 пуқара протез ортопедия буйымлары менен тәмийинленди.

Бундай қайырлы ислерди әмелге асырыўда сектор ағзалары менен биргеликте алдағы ўақытта да белгиленген ўазыйпаларды әмелге асырыў бағдарында кең көлемли жумысларды режелестирип отырмыз.

Г.СӘРСЕНБАЕВА,

Тахтакөпир районындағы 2-сектор ағзасы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF