Еркин Қарақалпақстан Вести Каракалпакстана 00:00:09, 20.10.2018
Хош келипсиз! | RSS
Сайт мазмуны

Кириў усылы

ХАЛҚЫ ҚӘДИРЛЕГЕН ЖАЗЫЎШЫНЫ ЕСЛЕЎ КЕШЕСИ ӨТКЕРИЛДИ

Республикамызда ҳәр жылы 7-май күни Өзбекстан ҳәм Қарақалпақстан халық жазыўшысы, Өзбекстан Қаҳарманы Төлепберген Қайыпбергеновтың туўылған күни көтериңки руўхта белгиленеди.

Усы мүнәсибет пенен Қарақалпақстан Жазыўшылар аўқамының ағзалары, бир қатар жазыўшы-шайырлар хал­қы қәдирлеген Төлепберген Қайыпбергеновтың қойымшылығына зыярат етип, гүл шеңберин қойды.

Соң пайтахтымыздағы республикалық мәлимлеме-ресурс орайы балалар китапханасында «Халқы қәдирлеген жазыўшы» атамасында әдебий кеше өткерилди.

Оған орайда шөлкемлестирилген «Әдебият шайдалары» дөгереги ағзалары, мектеп ҳәм кәсип-өнер колледжи оқыўшылары қатнасты.

Онда шығып сөйлегенлер Т.Қайыпбергеновтың XX әсир қарақалпақ әдебиятының проза жанрына қосқан салмақлы үлеси, шығармаларының мазмун-мәниси, өзине тән өзгешеликлери ҳаққында атап өтти.

Оқыўшылар өзлерин қызықтырған сораўларға жуўап алды.

Қарақалпақстан  хабар агентлиги.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF