Еркин Қарақалпақстан Вести Каракалпакстана 16:05:33, 23.10.2018
Хош келипсиз! | RSS
Сайт мазмуны

Кириў усылы

«КИШКЕНЕ»  ДЕ  ӨТКЕН  НАЎРЫЗ

Үлкемизге бәҳәр келиўден әтирап жасыл липасына оранып, бәршемиз асығыслық пенен күткен қутлы сәне Наўрыз байрамын алып келеди.

Байрамда ана тәбият та бәршени қутлықлағандай алтын қуяш нурларын төгеди. Сағына күткен бәҳәр ана тәбиятқа жан берип, әтирапқа өзгеше сән берди. Әйне усы мәҳәлде мәўсимниң кеўилди қытықлаған сәўир самалы пайтахтымыздағы 22-санлы «Кишкене» балалар бақшасы тәрбияланыўшыларын, олардың ата-аналарын қалаберди пүткүл жәмәәти көтериңки руўх ҳәм өзгеше сезимлерге бөлемекте. Бақша тәрбия­ланыўшылары ҳәм мийнет жәмәәтиниң жүзиндеги қуўанышқа көктеги қуяшта жар­қыраған нурларын шашып  балалардың байрамды емин-еркин тойлаўына тилеклес екенлигин билдирмекте. Байрамға сай безелген сахна, балалар ҳәм тәрбияшылардың миллий кийимлери, әсиресе, олардың жүзиндеги шадлық көрген көзди қуўанышқа толтырады. Байрам қызықлары ҳәр бир топардың өз алдына таярлаған қарақалпақ, рус ҳәм инглис тилиндеги байрам қутлықлаўы, түрли ойын, тақмақ ҳәм концерт бағдарламасы менен даўам етти. 

Өз перзентлериниң өнерлерин тамашалап төбеси көкке жеткен ата-аналар перзентлериниң сахнадағы ҳәрекетлерин көрип, оларды тәрбиялап атыр­ған тәрбияшы апаларына ҳәм бақша жәмәәтине болған шексиз миннетдаршылығын билдирди.

С.ТУРДЫБЕКОВА,

СҮЎРЕТТЕ: байрам кешесинен көринис.

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF