Еркин Қарақалпақстан Вести Каракалпакстана 05:48:31, 18.06.2018
Хош келипсиз! | RSS
Сайт мазмуны

Кириў усылы

ХАЛЫҚТЫҢ ТЫНЫШЛЫҒЫ  ТИЙКАРҒЫ ЎАЗЫЙПА

Өз өмирин ел-журт тәғдири менен байланыстырған ишки ислер уйымлары хызметкерлери бүгинги тыныш ҳәм парахат турмысымызды көздиң қарашығындай қорғаўда мүнәсип үлес қосып атырғаны ҳаққында қаншелли сөз етсек арзыйды.

Президентимиздиң 2017-жыл 10-апрельдеги  «Ишки ислер уйымларының жумыс нәтийжелилигин түп-тийкарынан арттырыў, жәмийетлик тәртипти, пуқаралардың ҳуқықларын, еркинликлери менен нызамлы мәплерин исенимли қорғаўды тәмийинлеўде олардың жуўапкершилигин күшейтиў илажлары ҳаққында»ғы Пәрманы ишки ислер уйымлары жумысларына қатаң жуўапкершилик жүкледи.

Көпшиликтиң хабары болса керек, Өзбекстан Республикасы Президенти Ш.Мирзиёевтиң Қәўипсизлик кеңесиниң кеңейтилген қурамдағы мәжилисинде шығып сөйлеген сөзинде «Бүгинги күнде биз «Қәўипсиз қала — қәўипсиз ел» концепциясы тийкарында елимизде жәми­йетлик тәртипти тәмийинлеўге қаратылған үлкен жумысларды әмелге асырып атырғанымыз белгили. Усы мүнәсибет пенен мине, усы жаңа структура, яғный Миллий гвардия шөлкемлестирилди. Енди буннан былай ҳәр бир қала менен ўәлаятта қәўипсиз аймақ жойбарын әмелге асырыў, жәмийетлик тәртипти сақлаў ушын Ишки ислер министрлиги  менен бирге,  Миллий гвардия жуўапкер етип белгиленеди» деп атап өткен еди.

 Бул бойынша пайтахтымыздағы көше ҳәм жәмийетлик орынларда, қалаберсе халық көп жыйналатуғын орынларда Ишки ислер министрлигиниң патруль-пост хызмети хызметкерлери, Миллий гвардия ҳәм басқа да тийисли шөлкемлер менен биргеликте ел халықтың тынышлығын қорғаў ҳәм қәўипсизлигин тәмийинлеўде күни-түни  биргеликте нәўбетшилик жумыслары алып барылмақта.

Жүргизилген илажлар даўамында еки мың сегиз жүз сексен пуқара көше ҳәм жәмийетлик орынларда ҳәкимшилик тәртипти бузғанлығы анықланды. Сондай-ақ, 2 урлық жынаяттың ашылыўына ерисилди. Бундай илажлар нызам бузыўшылықтың алдын алыўда ҳәм жәмийетлик тәртипти сақлаўда әҳмийетли болып табылады.

Солай екен, пуқаралардың көшеде емин-еркин жүриўи ҳәм де қәўипсизликти тәмийинлеўде аянбай хызмет ете беремиз. 

А.ҚОЖАМЕТОВ,

ҚР ИИМ ППХ ҳәм ЖТСБ ППХБ 2-отряд командири, капитан.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF