Еркин Қарақалпақстан Вести Каракалпакстана 05:50:33, 18.06.2018
Хош келипсиз! | RSS
Сайт мазмуны

Кириў усылы

ТӘРТИПСИЗЛИКЛЕР   САПЛАСТЫРЫЛМАҚТА

Мәмлекетимизде нызам үстемлигин тәмийинлеў жолында әмелге асырылып атырған барлық ис-илажлар инсаныйлық принциплерге тийкарлан­ған. Инсан ҳуқықлары ҳәм еркинлигин тәми­йинлеў, қәдир-қымбатын жоқары қойыў нызамшылығымызда биринши орында турады.

Қанлыкөл районы прокуратурасы тәрепинен «Қанлыкөл дийқан базары» жуўапкершилиги шекленген жәмийетинде Өзбекстан Республикасы Минис­трлер Кабинетиниң «Базарлар ҳәм саўда комплекслер хызметин тәртипке салыўға байланыслы қосымша ис-илажлары ҳаққында»ғы ҳәм «Пул қаржыларының банктен тысқары айланысын және де қысқартыў ис-илажлары ҳаққында»ғы қарарлары ҳәм жәмийеттиң белгиленген санитария-гигиеналық талапларына әмел етиў бойынша жумыслары үйренилгенде бир қатар кемшиликлердиң бар екенлиги анықланды.

Атап айтқанда, «Өзбекстан Республикасы базарларында саўда хызметин шөлкемлестириў» қағыйдасына муўапық базардағы кириў орынларында «Тутыныўшылар ҳуқықларын қорғаў ҳаққында»ғы нызам ҳәм қағыйдалары текстлери, саўда хызметин ҳәм товарлардың айырым түрлерин сатыўды тәртипке салыўшы қағыйдалар, ра­йон ҳәкимлиги ҳәм базар ҳәкимшилигиниң, ветеринария, санитариялық-эпидемиология, мәмлекетлик салық хызмети, ишки ислер уйымларының телефон номерлери жазып қойылмаған. Сондай-ақ, базар ҳәкимшилиги тәрепинен мал базары аймағында үй шараятында таярланған азық-аўқат өнимлерин санита­риялық талапқа жуўап бермеўине қарамастан сатыўға рухсат етилгенлиги анықланды. Әлбетте, бул жағдайлар инсан саламатлығына кери тәсир ететуғынлығы анық.

Атап өтилген нызамбузыўшылық жағдайларының келип шығыў себеплери жуўапкер шахс­лардың өзлерине жүклетилген функционаллық ўазыйпаларды белгили дәрежеде орынламай, бул жағдайларға көз жумып, мониторинг ҳәм профилактика жумысларын алып бармағанлығы себепли жүзеге келген. Анықлан­ған нызамбузыўшылық жағдайларының келип шығыў себеплерин саплас­тырыў бойынша прокурор тәсир шаралары қолланылып, нызам шеңберинде көрип шығылыўы тәмийинленди.

А.КАРИМБАЕВ,

Қанлыкөл районы прокуроры.

М.ҚАБУЛОВА, журналист.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF