Еркин Қарақалпақстан Вести Каракалпакстана 17:54:10, 21.11.2018
Хош келипсиз! | RSS
Сайт мазмуны

Кириў усылы

ПХЁНЧХАНДА  ҚЫСҚЫ  ОЛИМПИАДА  БАСЛАНДЫ

Кеше Қубла Кореяның Пхёнчхан қаласында гезектеги Қысқы олимпиада старт алды. Заманагөй олимпиада тарийхында жигирма үшинши мәрте өткерилип атырған бул ойынларда дүньяның 92 мәмлекетинен келген 3 мыңға шамалас атлет фигуралы ушыў, конькиде жуўырыў, шорт-трек, таў лыжасы спорты, лыжада жуўырыў, фристайл, лыжа екилиги,  трамплиннен секириў, сноуборд, бобслей, скелетон, биатлон, хоккей, кёрлинг ҳәм шана спорты сыяқлы қысқы спорт түрлери бо­йынша күш сынасады.

Олардың арасында мәмлекетимиз ўәкиллери де бар. Олимпиаданың ашылыў мәресиминде Ўатанымыз байрағын алып өткен Камил Тухтаев таў лыжасы бәйгилеринде қатнасатуғын болса, Миша Ге фигуралы ушыўда өзин сынап көреди.

Быйылғы олимпиадада Косово, Малайзия, Нигерия, Сингапур, Эквадор ҳәм Эритрея мәмлекетлериниң спортшылары биринши мәрте қатнасады. Халықаралық олимпиада комитетиниң шешими менен допинг машқалаларына араласып қалған россиялы атлетлер болса олимпиада байрағы астында беллеседи.

XXIII Қысқы олим­пиада 25-февральға дейин даўам етеди. Демек, спорт  ышқыпазларын бири-биринен қызықлы беллесиўлер күтип тур.

С.ЖАНИЕВ.

СҮЎРЕТТЕ: Өзбе­кис­танлы спортшы Камил Тухтаев.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF