Еркин Қарақалпақстан Вести Каракалпакстана 05:53:24, 19.08.2018
Хош келипсиз! | RSS
Сайт мазмуны

Кириў усылы

ИЛАЖ  ДАЎАМЫНДА  АНЫҚЛАНДЫ

Ҳүрметли Президентимиздиң басламасы менен өткен жылдан баслап ҳәптениң ҳәр пийшембиси «Жынаятшылықтың алдын алыў ҳәм ҳуқықбузарлықлар профилактикасы күни» етип белгилениўине байланыслы орынларда көп ғана ҳуқықбузарлықлар анықланып, жүз бериўи мүмкин бол­ған жынаятшылықлардың алды алынбақта.

Қоңырат районы «Хорезм» аўыл пуқаралар жыйыны аймағында жасаўшы, 1964-жылы туўылған, үш перзенттиң әкеси Ходжабаев Жалғасбай Давлетияровичтиң де нызам бузыўшылық ҳәрекетлери ҳуқық қорғаў уйымлары хызметкерлериниң биргеликте алып бар­ған илажы даўамында анықланды.

Атап айтқанда, өткен жылы Қоңырат районлық ишки ислер бөлими ҳәм басқа ҳуқық қорғаў уйымы хызметкерлери тәрепинен биргеликте өткерилген «Комплекс» илажы даўамында судланыўшы Ж.Ходжабаев өзиниң үйинде ҳеш қандай ҳүжжети жоқ бир дана қос стволлы, 12 калибрли «ИЖ-58» Н моделли аў мылтығын нызамсыз түрде сақлап қойғанлығы анықланған ҳәм қалыс гүўалардың қатнасында айғақлы зат ретинде ҳүжжетлестирип алынған.

Суд баллистикалық экспертизасының берген жуўмағына тийкарланар болсақ, айғақлы зат ретинде алынған аў мылтығы оқ атар қуралы қатарына киретуғынлығы ҳәм иске жарамлы екенлиги көрсетилген.

Нәтийжеде ол бул жынайый ҳәрекетлери менен Өзбекистан Республикасы Жынаят Кодексиниң 248-статьясы 1-бөлиминде нәзерде тутылған жынаятты ислегенликте айыпланып, суд тәрепинен ең кем айлық ис ҳақының 10 есеси муғдарында жәрийма жазасы тайынланды.

Б.ҚУРБАНОВ.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF