Еркин Қарақалпақстан Вести Каракалпакстана 04:42:36, 22.02.2018
Хош келипсиз! | RSS
Сайт мазмуны

Кириў усылы

АТҚАРЫЎ  ТӘРТИБИ — НӘТИЙЖЕЛИЛИК ТИЙКАРЫ

Қарақалпақстан Республикасы Министрлер Кеңесинде атқарыў тәртибине жуўапкер басшылардың ҳүжжетлер менен ислеўин шөлкемлестириў, атқарыў тәртибин беккемлеў ҳәм бул бойынша жеке жуўапкершиликти және де арттырыў мәселелерине бағышланған оқыў-семинары болып өтти.

Оған Қарақалпақстан Республикасы Министрлер Кеңесиниң, республикамыздың қала ҳәм ра­йон ҳәкимликлериниң шөлкем­лестириўшилик-қадағалаў топарлары менен улыўма бөлимлериниң басшылары, қәнигелери қатнасты.

Илажды Қарақалпақстан Республикасы Министрлер Кеңесиниң Баслығы Қ.Сариев алып барды.

Семинарда Өзбекистан Республикасы Министрлер Кабинетиниң жуўапкер қәнигелери Н.Эргашев, А.Ғаниев, Өзбекистан Республикасы Президентиниң  Қарақалпақстан Республикасындағы Халық Қабыллаўханасының баслығы Ҳ.Халимов, Қарақалпақстан Республикасы Министрлер Кеңесиниң Шөлкемлестириўшилик-қадағалаў топарының баслығы Р.Рысназаров ҳәм басқалар шығып сөйлеп, тараўда енгизилген жаңалықлар ҳәм әмелге асырылып атырған илажлар туўралы кең түрде мағлыўмат берди.

Атап айтқанда, Өзбекистан Республикасы Министрлер Кабинетиниң 1999-жыл 12-январьдағы «Атқарыў тәртибин беккемлеў илажлары ҳаққында»ғы 12-санлы қарары тийкарында жумыс алып барыўды шөлкемлестириў, Өзбекистан Республикасы Президентиниң 2017-жыл 11-апрельдеги «Өзбекистан Республикасы Президентиниң ҳүжжетлери ҳәм тапсырмалары нәтийжели ҳәм табыслы орынланыўы, сондай-ақ, атқарыў тәртиби беккемлениўи ушын Өзбекистан Республикасы Президенти Мәмлекетлик Кеңесгөйлериниң, Министрлер Кабинети ҳәм оның комплекслери, мәмлекетлик ҳәм хожалық басқарыў уйымлары менен барлық дәрежедеги ҳәкимликлер басшыларының жеке жуўапкершилиги ҳаққында»ғы ПҚ-2881-санлы қарары талапларын әмелге асырыў механизмлери туўралы кең түрде түсиниклер берилди.

Семинарда  Өзбекистан Республикасы Президентиниң  Қарақалпақстан Республикасындағы Халық қабыллаўханасына келип түсип атырған мүрәжатлардың жергиликли ҳәкимликлерде орынланыўын тәмийинлеў бо­йынша әмелге асырылып атырған жумыслар, машқалалар ҳәм олардың шешими, Өзбекистан Республикасы Президентиниң 2017-жыл 8-августтағы «Аймақлардың жедел социаллық-экономикалық раўажланыўын тәмийинлеўге байланыслы әҳмийетли илажлар ҳаққында»ғы қарарын орынлаўды орынларда шөлкемлестириў жағдайы, алдағы ўақытлары әмелге асырылатуғын әҳмийетли ўазыйпалар, Өзбекистан Республикасы Президенти Ш.Мирзиёевтиң Қарақалпақстан Республикасына сапарлары даўамында белгилеп берилген тапсырмалардың орынланыўы туўралы да кеңнен мағлыўмат берилип өтилди. Жол қойылған айырым қәте-кемшиликлер атап өтилип сынға алынды ҳәм пикир-усыныслар билдирилди.

— Мәселен, усы қарар бойынша бекитилген сектор басшылары, ағзалары тәрепинен график тийкарында үйме-үй жүриў ҳәм машқалаларды шешиў жумыслары алып барылмақта. Үйрениў жумыслары нәтийжесинде жәми 20 мың 409 машқала анықлан­ған болса, соның 18 мыңнан асламы орынларда өз шешимин тапты, ал, қала, район көлеминде шешимин таппайтуғын еки мыңнан аслам машқала «жол картасы»на киргизилди,-дейди Қарақалпақстан Республикасы Минис­трлер Кеңесиниң мәлимлеме-талқылаў басқармасының баслығы А.Сейтимбетов.

Сондай-ақ, қатнасыўшылар жергиликли мәмлекетлик ҳәкимият уйымлары тәрепинен нормативлик-ҳуқықый ҳүжжетлердиң қабыл етилиўи, оларды ҳуқықый экспертизадан өткериў тәртиби, Өзбекистан Республикасы Президентиниң Виртуал қабыллаўханасына келип түсип атырған мүрәжатлар менен ислесиў бойынша алып барылып атырған жумыслар, кемшиликлер ҳәм олардың шешими, «Е-хат» қорғалған электрон почта, «ijro.gov.uz» электрон ҳүжжет айланысы системасынан пайдаланыў туўралы да кең түрде түсиник алды.

Семинар қатнасыўшылары өзлерин қызықтырған сораўларға жуўап алды.

 

Ә.Жийемуратов, 

Қарақалпақстан хабар агентлигиниң хабаршысы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF