Еркин Қарақалпақстан Вести Каракалпакстана 10:02:29, 28.05.2018
Хош келипсиз! | RSS
Сайт мазмуны

Кириў усылы

ҚАНЛЫКӨЛДЕ ЖАҢА ТЕПЛИЦА ҚУРЫЛДЫ

Өзбекистан Республикасы Президенти Ш.Мирзиёевтиң 2017-жыл 15-16-декабрь күнлери республикамызға сапары даўамында өткерилген, кеңейтилген мәжилисте берилген тапсырмалар ҳәм усы жыл 16-январь күнги «Елимизде азық-аўқат қәўипсизлигин буннан былай да жеделлестириў илажлары ҳаққында»ғы Пәрманы тийкарында теплицаларда (ыссыханаларда) лимон ҳәм басқа да өнимлер жетистириўди жолға қойыў, фермер хожалықларында кем қәрежетли арзан ыссыханалар қурыў, жер қазыў техникалары менен жер майданларын таярлаў бойынша республикамызда бир қатар илажлар алып барылмақта.

Жақында Қанлыкөл районындағы «Сүўенли» ирригация тармақлары бассейни басқармасы тәрепинен «Жаңа қала» аўыл пуқаралар жыйыны аймағынан бир ярым, районлық Мелиорация тармақлары басқармасы жанынан да бир ярым сотых жер майдан ажыратылып теплицалар қурылды.

Теплицаларға Үргениш қаласынан алып келинген 3 жыллық 50 дана лимон нәллери егилип, ҳәзирги ўақытта бул нәллер гүллемекте.

Cондай-ақ, усы теплицаларда бир неше таўық бағылып, қосымша майданға чеснок, көк пияз, укроп егилип, нәллерге агротехникалық талаплар тийкарында тәрбия берилмекте.

 Қарақалпақстан  хабар агентлиги.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF