Еркин Қарақалпақстан Вести Каракалпакстана 04:32:50, 22.02.2018
Хош келипсиз! | RSS
Сайт мазмуны

Кириў усылы

ҚӘЎИПСИЗЛИК ҚАҒЫЙДАЛАРЫН  ЕСТЕН ШЫҒАРМАҢ!

Кегейли районының өрт қәўипсизлиги бөлимшеси хызметкерлери тәрепинен өткен 2017-жыл даўамында бир қанша шөлкемлестириўшилик ҳәм профилактикалық илажлар әмелге асырылды. Жылдың басында райондағы барлык мәкеме, кәрхана ҳәм шөлкемлер өрт техникалық тексериўден өткерилди. Өрт қәўпиниң алдын алыў бойынша район аймағында алып барылып атыр­ған профилактикалық ҳәм үгит-нәсият жумысларына қарамастан, айырым пуқаралардың әпиўайы өрт қәўипсизлиги қағыйдаларын орынламағаны ақыбетинде 2017-жыл даўамында  жеке меншик турақ жайларда 47 өрт пайда болды.

Тексериўлер нәтийжесинде олардың басым көпшилигиниң жылытыў қазанлары, печь морысының насазлығы, газ, электр үскенелеринен надурыс пайдаланыўдан келип шыққанлығы  мәлим болды. Кегейли районының өрт қәўипсизиги бөлимшеси ҳәм жеке қурам, газ, электр кәрханалары, аўыл пуқаралар жыйынлары хызметкерлери менен биргеликте пуқаралардың жеке меншик турақ жайлары көзден өткерилгенде айырым турақ жай ийелери өрт қәўипсизлиги қағыйдаларын сақламай киятырғаны анықланды. Мәселен, турақ жай бөлмесинде орнатылған контрамарка печиниң морысы дийўал арасынан тесип, турақ жайдың бастырмасы (қамыс плиталары) печь морысы менен өрттиң ара қашықлығы сақланбаған ҳалда жоқарыға шығарылған болып, морының насазлығы нәтийжесинде самал бағыты менен өртлердиң келип шығыўы жүз берген.

Ҳүрметли пуқаралар! Жылытыў қазанларын, печь, газ плиталарын, тәбийғый газ бенен жанатуғын печьлерди қатаң түрде, ҳәр күни қадағалап барыўды естен шығармаңыз.

Печь ҳәм газ үскенелерин балалардың жағыўына жол қоймаң ҳәм оларды үйде жалғыз таслап кетпең!

П.ҚУРБАНОВ,

Кегейли районлық ӨҚБ инспекторы, сержант.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF