Еркин Қарақалпақстан Вести Каракалпакстана 15:10:32, 24.09.2020
Хош келипсиз! | RSS
Сайт мазмуны

Кириў усылы

ЭНЕРГИЯ РЕСУРСЛАРЫН ТЕЖЕЎ — ДӘЎИР ТАЛАБЫ

Ҳәзирги күнде дүнья жүзинде жанылғы — энергетика ресурсларын тежеў ҳәм олардан үнемли пайдаланыў ең әҳмийетли мәселелерден есапланады. Бул бағдарда мәмлекетимизде кең көлемли социал-экономикалық реформалардың турмысқа асырылыўы және де пайдалы жетискенлигиниң гиреўи болып табылады.

Өзбекистан Республикасы Президентиниң «Электр энергиясын ҳәм тәбийғый газди жеткерип бериў ҳәм де тутыныў саласында төлем тәртибин буннан былайда беккемлеў, сондай-ақ, ат­қарыў жумысын жүргизиў системасын түп-тийкарынан жетилистириў илажлары ҳаққында»ғы 2017-жыл 29-майдағы Пәрманы ҳәм Өзбекистан Республикасы Президентиниң 2017-жыл 30-майдағы «Өзбекистан Республикасы Бас Прокуратурасы жанында Мәжбүрий орынлаў бюросы жумысын шөлкемлестириў ҳаққында»ғы қарарына муўапық 2018-жыл 12-январьда Өзбекистан Республикасы Министрлер Кабинетиниң «Электр энергиясы ҳәм тәбийғый газден пайдаланыў тәртибин жетилистириўге байланыслы қосымша илажлар ҳаққында»ғы қарары қабылланды ҳәм усы жылдың 16-январь күнинен күшке енгизилди. Әҳмийетлиси, қарарда электр энергиясы тараўында есап-санақ жүргизиў тәртибин жетилис­тириўге айрықша итибар қаратылған.

Бунда электр энергиясы ушын есап-санақ жүргизгенде 8 тариф топар тутыныўшыларына классификацияланған тариф қолланылыўы, классификациялан­ған тарифте сутканың ўақыт зоналары бойынша пайдаланылған ҳәр бир 1 кВт саат электр энергиясы ушын төлем әмелге асырылыўы көзде тутылады. Яғный: ярым тығыз пайыт — сутканың күндизги ўақты (саат 9:00 ден 17:00 ге шекем); тығыз пайыт — азанғы ҳәм кешки максимум (бирден-бир электр энергетика системасының максимал жүклеме саатлары 6:00 ден 9:00 ге шекем ҳәм саат 17:00 ден 22:00 ге шекем); түнги пайыт — сутканың қараңғы ўақты (бирден-бир электр энергетика системасының максимал жүклеме саатлары саат 22:00 ден 24:00 ге шекем ҳәм 00:00 ден 06:00 ге шекем).

Бул пайытта бирден-бир энергетика системасында ең үлкен жүклемели саатларында пайдаланылған электр энергиясы ушын төлемлер белгиленген тарифке салыстырғанда 1,5 есе муғдарда өсиўши коэффи­циентти қоллаў арқалы, ең кем жүклемели саатларда болса, белгиленген тарифке салыстырғанда 1,5 есе кемейиўши коэффициентти қоллаў арқалы ҳәм ярым тығыз пайытта орнатылған тариф бойынша есап-санақ жүргизиў әмелге асырылыўы көрсетип өтилген.

Буннан тысқары, электр тәмийнаты шәртнамасында есап-санақ дәўири ушын көрсетилгенинен 5 про­цент­тен зыят муғдарда пайдаланылғанда тутыныўшылардан (жеке хожалық тутыныўшыларынан тысқары) электр тәмийнаты шәртнамасында көрсетилгенинен зыят пайдаланылған электр энергиясы жәми көлеми ушын белгиленген тарифтиң 1,5 есе муғдардағы төлем өндирилетуғынлығы белгиленген. Барлық түрдеги электр энергиясы тутыныўшылары төрт тариф топарына бөлинген:

I тариф топарына 750 кВА ҳәм оннан жоқары жүклемеге жалғанғаны ушын классификацияланған тариф бойынша есап-санақ жүргизиўши тутыныўшылар;

II тариф топарына электр энергиясы ушын бир ставкалы тариф бойынша есап-санақ жүргизиўши тутыныўшылар;

III тариф топарына жеке хожалықлар киреди;

IV тариф топары бойынша I ҳәм II тариф топарлары тутыныўшылары тәрепинен технологиялық мақсетте электр ысытыў, сондай-ақ, имаратларды ысытыў, ыссы суў тәмийнаты ҳәм аўқатлар ушын пайдаланылатуғын электр энергиясы ушын ҳақы төлейтуғын тутыныўшыларға бөлинетуғынлығы көрсетип өтилген.

Электр энергиясынан технологиялық мақсетте ысытыў, коммерциялық түрде аўқат таярлаў, сондай-ақ, ханаларды жылытыў ҳәм ыссы суў тәмийнаты бойынша пайдаланғанда «Ўздав­энергоназорат» инспекциясына басқа түрдеги энергия орнына электр энергиясынан пайдаланыўда келисим алыў ушын техникалық-экономикалық тийкарларды усыныў зәрүрлиги атап өтиледи.

Ҳәзирги күнде қарардың орынланыўы бойынша «Ўздавэнергоназорат» инспекциясының Қарақалпақстан Республикасы аймақлық бөлиминиң хызметкерлери кәрхана, шөлкемлерде түсиндириў жумысларын жүргизип атыр.

Ш.ТУРСЫНБАЕВ,

«Ўздавэнергоназорат» инспекциясы Қарақалпақстан Республикасы

аймақлық бөлими инспекторы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF