Еркин Қарақалпақстан Вести Каракалпакстана 18:56:46, 21.11.2018
Хош келипсиз! | RSS
Сайт мазмуны

Кириў усылы

«ХОШАМЕТ2017»

СЫЙЛЫҒЫ ЖЕҢИМПАЗЛАРЫ  АНЫҚЛАНДЫ

18-январь күни пайтахтымыздағы Бердақ атындағы Қарақалпақ мәмлекетлик академия­лық музыкалы театрында биринши мәрте Өзбекистан Жаслар аўқамының Қарақалпақстан Республикалық Кеңеси тәрепинен шөлкемлестирилген «Хошамет — 2017» сыйлығын тапсырыў мәресими салтанатлы жағдайда өткерилди.

«Хошамет — 2017» сыйлығы тийкарынан елимиздеги жәмийетлик-сиясий, мәденият, көркем өнер, журналистика, спорт тараўларының ҳәм исбилерменликти кеңнен раўажландырыў, сондай-ақ, бул тараўларда жетискенликлерге ерискен ең белсенди ўатанласларымызды қоллап-қуўатлаў мақсетинде шөлкемлестирилген болып, сыйлық 24 номинация бойынша өз ийелерине тапсырылды.

Атап айтқанда, Қараөзек районы ҳәкими Д.Өтемуратов «Жылдың ең белсенди ҳәкими», Қанлыкөл районынан Д.Садуллаев «Жылдың ең белсенди жас фермери», Ә.Қурбаниязова «Жылдың ең белсенди жас журналисти», Қарақалпақстан Республикасы Ишки ислер министрлиги  «Жылдың ең белсенди  Жаслар аўқамы менен бирге ислесиўши шөлкеми» номинациялары  бойынша жеңимпаз деп табылып, оларға ҳәм басқа да номинацияларда жеңиске ерискенлерге шөлкемлестириўшилер тәрепинен таярланған диплом, статуэтка ҳәм қымбат баҳалы саўғалар тапсырылды.

— Мен ушын күтилмеген ўақыя болды. «Жылдың ең белсенди жас қосықшысы» номинациясы бойынша жеңимпаз болдым.  «Өзбекконцерт» мәмлекетлик мәкемеси тәрепинен 1 жыллық бийпул лицензия да берилди. Буннан шексиз қуўаныштаман, - дейди жас қосықшы Баҳадыр Разымбетов. 

Илажға Қарақалпақстан Республикасы Министрлер Кеңесиниң баслығы Қ.Сариев, Қарақалпақстан Республикасы  Жоқарғы Кеңесиниң комитет баслығы Д.Қурбаниязов, Мәденият министри П.Айтмуратов қатнасты ҳәм номинациялар бойынша жеңимпазларды анықлап берди.

Илаж қатнасыўшыларына көркем өнер шеберлериниң атқарыўындағы концерт бағдарламасы қойып берилди.

Тәрбия  СЕЙТНАЗАРОВА,  

Қарақалпақстан хабар агентлиги хабаршысы.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF