Еркин Қарақалпақстан Вести Каракалпакстана 19:02:39, 21.11.2018
Хош келипсиз! | RSS
Сайт мазмуны

Кириў усылы

МЕДИЦИНАЛЫҚ ХЫЗМЕТ КӨРСЕТИЎ МӘСЕЛЕЛЕРИ ДОДАЛАНДЫ

Усы жыл 17-январь күни  Халық депутатлары  Шоманай районлық  кеңесиниң  29-сессиясы болып өтти.

 Онда Өзбекистан Республикасы Олий Мажлиси Сенаты ағзалары ҳәм Нызамшылық палатасының депутатлары, жергиликли кеңес депутатлары, Республикалық қәниге­лестирилген  илимий-әмелий  медицина орайларының  қәнигелери, райондағы бир қатар мәкеме ҳәм исбилерменлик субъектлериниң, мәмлекетлик ҳәм мәмлекетлик емес шөлкемлердиң ўәкиллери, ғалаба хабар қуралларының хызметкерлери қатнасты.

 Сессияда халыққа медициналық-санитариялық хызмет көрсетиўдиң  сапасын жақсылаў бойынша әмелге асырылып атырған  жумыслардың  жағдайы кеңнен талқыланды.

Онда Қарақалпақстан Республикасы Жоқарғы Кеңеси Баслығының орынбасары А.Ҳамраев, Олий Мажлис Нызамшылық палатасының депутаты Н.Айтжанова ҳәм басқалар шығып сөйлеп, Президентимиз тәрепинен медицина тараўы бойынша қабыл етилип атырған қарар ҳәм пәрманлар усы тараўды  жедел раўажландырыўға  тийкар  жаратып атырғанын ҳәм бүгинги күнде  Президентимиздиң  «Өзбекистан Республикасында бирлемши  медициналық-санитариялық  жәрдем  бериў мәкемелериниң  жумысларын шөлкемлестириўди  буннан былай да жетилистириў илажлары  ҳаққында»ғы қарарын орынлаў бо­йынша райондағы 9 аўыллық  шыпакерлик пунктлери  негизинде 3  шанарақлық поликлиника шөлкемлестирилип, олар ең соңғы заманагөй  әсбап-үскенелер менен тәмийинленгенлигин атап өтти.

Нәтийжеде, медицина мәкемелеринде халықты дәри-дәрмақ өнимлери менен тәмийинлеў, қыстаўлы медициналық жәрдем хызмети жақсы жолға қойылыўына ерисилди. Медицина  мәкемелерине тез жәрдем машиналарының берилиўи болса,  наўқасларға өз ўақтында жәрдем көрсетиў  имканиятын  жаратпақта.

Атап өтилгениндей, аўыллық шыпакерлик пунктлериндеги жағдайды жақсылаў, аўыллық шыпакерлик пункти ҳәм  шаңарақлық полик­линикаларды диагностикалық әсбап-үскенелер менен тәмийинлеў,  тез жәрдем хызметиниң сапасын жақсылаў, сондай-ақ, аўыллық шыпакерлик пунктлериниң күни-түни ислеўине ерисиў, медицина бирлеспелеринде жаңа бөлимлер шөлкемлестириў ҳәм барлық медицина мәкемелерин зәрүр болған қәнигелер менен толықтырыў ўазыйпалары орынларда қалай әмелге асырылып атырғанлығы,  бүгинге шекем даўам етип атырған  машқалалар ҳәм олардың шешимлерин үйрениў тараў басшылары менен бирге халықтың исенимли ўәкиллери есапланған  депутатларымызға да жүкленген. 

Сессияда, район халқына  медициналық-санитариялық жәрдем көрсетиўдиң нәтийжелилигин  арт­тырыў бойынша пикир-усыныслар тыңланып, тараўда  жүзеге келген машқалаларды сапластырыў бо­йынша   ўазыйпалар белгиленди.

Сессия күн тәртибиндеги көрилген мәселелер бойынша  тийисли қарар қабыл етти.

Онда Өзбекистан Республикасы Олий Мажлиси Нызамшылык палатасының Спикери Н.Исмоилов қатнасты ҳәм шығып сөйледи.

Қарақалпақстан хабар агентлиги.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF