Еркин Қарақалпақстан Вести Каракалпакстана 05:53:58, 19.08.2018
Хош келипсиз! | RSS
Сайт мазмуны

Кириў усылы

ҚАДАҒАН  ЕТИЛГЕН  КИТАПЛАР

Әлбетте, ҳәр қандай китапты оқыў арқалы өзимизге руўхый, «жаманнан қаш, жақсыға жантас» киби тәрбиялық азық аламыз. Демек, китап арқалы санамызды байытып, келешекке умтыламыз, ийгиликли ислерге қәдем атамыз. Қәне енди, китаплардың бәри жақсылыққа, жоқары адамгершилик пазыйлетлерге тәрбияласа...

Айырым диний ағымлар топарына билип-билмей қосылып атырған жасларымыздың да санасын зәҳәрлеген нәрсе бул — китап. Диний мазмундағы китапларды оқыў арқалы ҳәрқыйлы бузық нийетли инсанлардың алдаўына түсип қалмақта.

1968 - жылы Кегейли районында туўылған, «Қумшүңгил» аўыл пуқаралар жыйыны аймағында есапта турыўшы, пайтахтымыздағы «Қоскөл» мәкан пуқаралар жыйынында ўақтынша жасаўшы Жуманазаров Есназар Қудайназарович қадаған етилген диний китаплар менен шуғылланған көринеди. Өткен жылы 15-июль күни ҳуқық қорғаў уйы­мы хызметкерлериниң өткерген «Комплекс» илажы барысында Е.Жуманазаровтың ўақтынша жасаў үйинде елимизге алып кириў, шығыў, сақлаў қадаған етилген бирнеше диний  мазмундағы «Рухани Андер жыйнағы», «Худо бормисан», «Киели китап», «Жаңа келисим», «Опыт жизни», «Инжил», «Хавосил ашё» атлы китаплар, диний сөзлер жазылған алты дана дәптер, 16 дана диск, 42 дана диний сөзлер жазыл­ған қағаз бетлер табылып, айғақлы зат ретинде рәсмийлестирип алынған.

Е.Жуманазаровтың бул ҳуқықбузарлық ис-ҳәрекетлери ҳәкимшилик суд уйымы тәрепинен көрип шығылды ҳәм ең кем айлық ис ҳақының бес есеси муғдарында жәрийма жазасын тайынлаўға қарар етти.

Б.ҚУРБАНОВ.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF