Еркин Қарақалпақстан Вести Каракалпакстана 05:40:57, 18.06.2018
Хош келипсиз! | RSS
Сайт мазмуны

Кириў усылы

ЖУРНАЛИСТЛЕРГЕ БИЛИМ ҲӘМ КӨНЛИКПЕЛЕР

Жақында пайтахтымызда Өзбекистан Республикасы Журналистлерди қайта таярлаў орайы ҳәм Канада жергиликли басламалар қоры менен биргеликте «Суд ҳуқық тараўындағы реформалар ҳәм инсан ҳуқықлары мәселелери: Өзбекис­тан ҒХҚда жарытылыўы» атамасындағы жаңа жойбары шеңберинде семинар-тренинг шөлкем­лестирилди.

Соңғы жыллары Өзбекистанда суд ҳәкимиятын беккемлеў, суд ғәрезсизлигин тәмийинлеў, оны қуўдалаў уйымы ямаса жазалаў аппаратынан мәмлекеттиң ҳақықый ғәрезсиз, инсанлардың ҳуқық ҳәм еркинликлерин исенимли қорғаў институтына айландырыўға қара­тыл­ған бир қатар ҳуқықый илажлар комплекси әмелге асырылды.

— Жойбардың мақсети — Өзбекистанда инсан ҳуқықларының кепиллигин беккемлеў, пуқаралардың ҳуқықый билимин ҳәм ҳуқықый мәдениятын арттырыў мақсетинде Нөкис, Үргениш, Наўайы, Бухара, Самарқанд, Қаршы, Андижан қалаларындағы журналистлер ҳәм пуқаралық жәмийети ўәкиллериниң мәмлекетимизде суд-ҳуқық тараўында алып барылып атырған реформалардан хабардарлығын күшейтиў, әдил судлаў алдында бәршениң теңлигин тәмийинлеў бойынша ҒХҚ, МКШ ҳәм мәмлекетлик шөлкемлер арасындағы өз-ара бирге ислесиўди күшейтиўге жәрдемлесиўден ибарат,-дейди Журналист­лерди қайта таярлаў орайының тренери, ӨзМЖТУ халықаралық жур­налис­тика факультетиниң доценти Н.Қасимова.

Илажда тийкарынан кең жәми­йетшиликти елимизде болып атырған жаңаланыўлар ҳәм нызамшылығымыздағы өзгерислерди, пуқаралардың өз ҳуқық ҳәм еркинликлерин аңлап жетиўинде ғалаба хабар қуралларының тәсиршеңлигин, журналистлердиң «ҳуқықый журналис­тика» бойынша билим ҳәм көнликпелерин арттырыўға байланыслы пикир ҳәм усыныслар берилди.

Сондай-ақ, илажда «Нураный» газетасының бас редакторы, юридика илимлериниң кандидаты О.Ўсаров семинарға қатнасқан республикамыздағы ғалаба хабар қураллары ҳәм МКШлар ўәкиллериниң сораўларына жуўап берди.

 Р.АРЗИЕВ.

СҮЎРЕТТЕ: семинардан көринис.

Автордың түсирген сүўрети.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF