Еркин Қарақалпақстан Вести Каракалпакстана 09:40:01, 23.04.2018
Хош келипсиз! | RSS
Сайт мазмуны

Кириў усылы

«БИР АЙНА» ИСБИЛЕРМЕНЛЕР КӨМЕКШИСИ

Елимизде исбилерменлик субъектлериниң ҳуқықларын қорғаў мәмлекетлик сиясат дәрежесине айланбақта. Өзбекистан Республикасы Президентиниң 2015-жыл 28-сентябрьдеги «Исбилерменлик субъектлерине «Бир айна» тәртибинде мәмлекетлик хызметлер көрсетиў тәртибин және жеделлестириў илажлары ҳаққында»ғы қарарына муўапық, исбилерменликти қоллап-қуўатлаў бойынша бир қанша жумыслар әмелге асырылды.

  Бул жумысларды еле де жетилистириўде 2017-жыл 1-февральда «Исбилерменлик субъектлерине мәмлекетлик хызметлерди көрсетиў механизмлерин жетилис­тириўге байланыслы қосымша илажлар ҳаққында»ғы қарары «Бир айна» орайлары жумысларының сапасын буннан былай да арттырыўға қаратылған болып, бул бойынша Елликқала районы аймағында нәтийжели жумыслар алып барылмақта.

Тийкарынан исбилерменлик пенен шуғылланыўшылардың ҳүжжетлерин таярлаўда жеңиллик жаратыў мақсетинде районымызда шөлкемлестирилген «Бир айна» ора­йында исбилерменлик субъектлерине 16 түрдеги мәмлекетлик хызметлер көрсетилип келинбекте. Бул жерде жумыслардың нызам талапларына муўапық дурыс жүргизилиўи нәтийжесинде бүгинги күнде исбилерменлик пенен шуғылланыўды қәлеўшилер саны жылдан-жылға көбейип бармақта.

Атап айтқанда, усы жылдың он еки айы даўамында орай  хызметкерлери тәрепинен 667 исбилерменлик субъектлериниң мүрәжатлары мәмлекетлик дизимнен өткерилген болып, соннан 306 жеке исбилерменлерден ҳәм 361 юридикалық тәреплерден келип түскен мүрәжатлар болып табылады. Сондай-ақ, жумыс алып барып атырған 71 исбилерменлик субъектлериниң ҳүжжетлерине қосымша өзгерислер киргизилип, қайта дизимге алынған болса, 350 исбилерменлик субъектлерине 31 түрдеги мәмлекетлик хызметлер көрсетилди. 

Жуўмақластырып айтқанда, «Бир айна» орайлары елимиз исбилерменлерине қолайлы шараятлар жаратыў менен бирге олардың исенимли қорғаўшысы ҳәм исбилерменлик жумысын жолға қойыўда көмекшиси болып хызмет етпекте.

Ш.СУЛТАНОВ,

Ш.ДЖУМАНАЗАРОВ,

 Елликқала районы «Бир айна» орайы қәнигелери.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF