Еркин Қарақалпақстан Вести Каракалпакстана 00:00:16, 18.01.2018
Хош келипсиз! | RSS
Сайт мазмуны

Кириў усылы

СТАТИСТИКА  ЕСАБАТЫНДАҒЫ  ӨЗГЕРИСЛЕР

Жақында Қарақалпақстан Республикасы Статистика бас­қармасының мәжилислер залында киши бизнес субъектлери ҳәм фермер хожалықлары ўәкиллериниң қатнасыўында  «Микрофирма ҳәм киши кәрхананың 2017-жыл ушын есабаты»н дурыс толтырыў ҳәм «eStat 2.0» системасы арқалы электрон көринисте тапсырыў бойынша оқыў семинары өткерилди.

Илажды Қарақалпақстан Республикасы Статистика  басқармасы баслығы Ш.Оспанов кирис сөз бенен ашты. Семинарда усы басқарма баслығының биринши орынбасары, статистика басқармасы жанындағы жәмийетшилик мәсләҳәт кеңеси баслығы А.Жолдасов, исбилерменлик орталығы ис  гүзетиўлери, исбилерменликти раўажландырыў, сыртқы экономикалық байланыслар ҳәм саўда статистикасы бөлими баслығы Р.Шәрибаев, техникалық тәмийнаты ҳәм мағлыўматларды сақлаў орайының бөлим баслығы Р.Ирекеев ҳәм басқа да қәнигелер сөзге шығып, киши бизнес субъектлериниң мәмлекетлик статистика уйымларына усыныс етилетуғын статистика есабатларындағы қәте-кемшиликлер, сондай-ақ, алдағы ўақытлары буларды болдырмаў илажлары, 2017-жыл жуўмағы менен берилетуғын 1 кВ жыллық мәмлекетлик статистика есабатына киргизилген өзгерислер ҳәм қосымшалар ҳаққында видеослайдлар жәрдеминде кең түрде түсиндирип, бул иске жуўапкершилик пенен қатнас жасаўы кереклигин атап өтти.

— Қабыл етилген Президент пәрманларына муўапық, 2015-жылдың январынан баслап киши исбилерменлик субъектлериниң статистикалық есабатларды жылына бир мәртебе тапсырыўы белгиленген. Статистика уйымларына ҳәр шеректе исбилерменлик субъектлери жумысларының тийисли бағдарлары ҳәм тараўлары бойынша таңламалы гүзетиў өткериў ўазыйпасы жүкленген. Нәтийжеде, исбилерменлик субъектлерине мәмлекетлик статистикалық есабатлар дерлик 2 есеге қысқартылды. (2012-жылда 210 форма, 2015-жылдан баслап — 125 форма) есабат формаларындағы көрсеткишлер саны 2014-жылға салыстырғанда 8,4  процентке, ал, айлық ҳәм шереклик формаларда — 53,3 процентке қысқарды. Өткерилген бул семинарда қатнасыўшылар есабатларды дурыс толтырыў бойынша өзлери ушын зәрүр көп мағлыўматларды алды деп ойлайман,-дейди усы басқарманың бөлим баслығы Р.Шәрибаев.

Семинар соңында қатнасыўшылар өзлерин қызықтырған сораўларға жуўаплар алды.

Г.САПАРОВА.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF