Еркин Қарақалпақстан Вести Каракалпакстана 09:41:54, 23.04.2018
Хош келипсиз! | RSS
Сайт мазмуны

Кириў усылы

БАҲАЛЫ ҚАҒАЗЛАР БАЗАРЫН  МУЎАПЫҚЛАСТЫРЫЎҒА БАҒЫШЛАНДЫ

Жақында Қарақалпақстан Республикасы баҳалы қағазлар базарын муўапықластырыў ҳәм раўажландырыў орайында «Фонд базарын және де раўажландырыўдың тийкарғы бағдарлары» атамасында семинар болып өтти. Оған жергиликли акционерлик жәмийети ағзалары ҳәм ғалаба хабар қураллары хызметкерлери қатнасты.

Илажды усы орайдың баслығы Б.Таженов басқарып барды. Онда «Ташкент» Республика фонд биржасының бөлим баслығы Ғ.Турсунов «Ташкент» Республика фонд биржасының баҳалы қағазлар базарында тутқан орны», сондай-ақ, Орайлық депозит мәмлекетлик кәрханасы қәнигеси М.Азамов «Қымбат баҳалы қағазлардың орайлық депозити» атамасында баянат жасап, жыйналғанларға кең түрде түсиник берди.

Семинарда атап өтилгениндей, «Ташкент» Республика фонд биржасы өз жумысын Өзбекистан Республикасының «Биржалар ҳәм биржа жумысы ҳаққында»ғы, «Қымбат баҳалы қағазлар базары ҳаққында»ғы ҳәм «Акционерлик жәмийетлери ҳәм акционерлердиң ҳуқықларын қорғаў ҳаққында»ғы нызамлар тийкарында жумыс алып барады. Фонд биржасы — ашық биржа саўдаларын алдын ала белгиленген ўақытта қағыйдалар тийкарында шөлкемлестириў ҳәм  өткериў арқалы тек ғана қымбат баҳалы қағазлар саўдасы ушын шараятлар туўдырып бериўши юридикалық тәреп есапланады. Сондай-ақ, оның ең баслы ўазыйпалары — белгиленген қағыйдалар тийкарында ғалабалық биржа саўдаларын шөлкемлестиреди. 

Соның менен бирге, мәжилисте 2012-2016-жыллар даўамында биржа саўдасы айланысының өсиў динамикасы бойынша да көрсетпелер берип өтти. Илаж соңында қатнасыўшылар өзлерин қызықтырған сораўлар бойынша қәнигелерге мүрәжат етип,  тийисли жуўаплар алды.

А.ОРАЗОВ, арнаўлы хабаршымыз.

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF