Еркин Қарақалпақстан Вести Каракалпакстана 01:25:11, 19.01.2018
Хош келипсиз! | RSS
Сайт мазмуны

Кириў усылы

ФИЗИКАЛЫҚ ШАХСЛАР ТӘРЕПИНЕН  НАҚ СЫРТ ЕЛ ВАЛЮТАСЫН АЛЫП КИРИЎ ҲӘМ АЛЫП ШЫҒЫЎ ТӘРТИБИН БУННАН БЫЛАЙ ДА ӘПИЎАЙЫЛАСТЫРЫЎ  ИС-ИЛАЖЛАРЫ ҲАҚҚЫНДА

ӨЗБЕКИСТАН РЕСПУБЛИКАСЫ  ПРЕЗИДЕНТИНИҢ ПӘРМАНЫ

Физикалық шахслар тәрепинен Өзбе­кистан Республикасының бажыхана шегарасы арқалы нақ сырт ел валютасын алып кириў ҳәм алып шығыў тәртибин әпиўайыластырыў мақсетинде:

  1.  2018-жылдың 1-январынан баслап:

физикалық шахслар тәрепинен эквиваленти 2000 (еки мың) АҚШ долларына тең яки оннан аспайтуғын муғдардағы нақ сырт ел валютасын Өзбекистан Республикасына алып кириў ямаса Өзбекистан Республикасынан алып шығыўда жазба түрде мәжбүрий декларацияны усыныў тәртиби;

коммерциялық банклер тәрепинен физикалық шахслардың нақ сырт ел валютасын Өзбекистан Республикасынан сырт­қа алып шығыўға рухсатнама бериў бийкар етилсин.

  1. Белгилеп қойылсын, физикалық шахс­лар тәрепинен нақ сырт ел валютасын Өзбекистан Республикасынан сыртқа алып шығыў эквивалентте 5000 (бес мың) АҚШ долларына тең яки оннан аспайтуғын сумма шеңберинде ҳеш қандай рухсатнамаларсыз әмелге асырылады.

Белгиленген суммадан зыят қаржыны алып шығыў:

резидентлер тәрепинен — Өзбекистан Республикасы Орайлық банкиниң рухсатнамасы тийкарында;

резидент емеслер тәрепинен — Өзбекистан Республикасына кириў ўақтында толтырылған жолаўшы бажыхана декларациясы тийкарында әмелге асырылады, декларацияда нақ сырт ел валюта суммасы алып шығып кетилетуғын нақ сырт ел валюта суммасынан кем болмаған муғдарда көрсетиледи.

Резидент емеслер ­ республикада белгиленген тәртипте шөлкемлестирилген жарыслар, таңлаў ҳәм олимпиадалардың сыйлы орын ийелери яки қатнасыўшылар тәрепинен белгиленген суммадан зыят нақ сырт ел валютасы алып шығып кетилгенде нақ сырт ел валюта алынғанлығының нызамлылығын тастыйықлаўшы ҳүжжет олар тәрепинен усы нақ сырт ел валютасын алып шығып кетиў ушын тийкар болады.

  1. Физикалық шахслар тәрепинен Өзбекистан Республикасына нақ сырт ел валютасын алып кириў шеклеўлерсиз әмелге асырылады.
  2. Физикалық шахслар тәрепинен эквиваленти 2000 (еки мың) АҚШ долларынан асатуғын суммадағы нақ сырт ел валютасын Өзбекистан Республикасына алып кириў ҳәм алып шығыў ўақтында алып кирилип атырған ямаса алып шығылып кетип атырған нақ сырт ел валютасының жәми суммасы жазба түрде декларация етиледи.
  3. Өзбекистан Республикасы Мәмлекетлик бажыхана комитети, Орайлық банки, Сыртқы ислер министрлиги ҳәм Туризмди раўажландырыў бойынша мәмлекетлик комитети усы Пәрман қағыйдалары республика халқына ҳәм сырт ел мәмлекетлериниң пуқараларына өз ўақтында жеткерилиўи бойынша комплекс ис-илажлар әмелге асырылыўын тәмийинлесин.

   6. Өзбекистан Миллий телерадиокомпаниясы ғалаба хабар қураллары усы Пәрман  қағыйдаларының кең түрде жәрия­ланыўын тәмийинлесин.

  1. Өзбекистан Республикасы Президентиниң айырым ҳүжжетлери қосымшаға муўапық өз күшин жоғалтқан деп есаплансын.
  2. Өзбекистан Республикасы Мәмлекетлик бажыхана комитети, Өзбекистан Республикасы Орайлық банки ҳәм Әдиллик министрлиги менен биргеликте бир ай мүддетте нызам ҳүжжетлерине усы Пәрманнан келип шығатуғын өзгерис ҳәм қосымшалар ҳаққында Министрлер Кабинетине усыныслар киргизсин.
  3. Усы Пәрманның орынланыўын қадағалаў Өзбекистан Республикасы Бас минис­триниң орынбасары — Қаржы министри Ж.А.Қўчқоров, Өзбекистан Республикасы Орайлық банкиниң баслығы М.Б.Нурмуротов ҳәм Өзбекистан Республикасы Мәмлекетлик бажыхана комитети баслығы М.В.Тоҳирийге жүкленсин.

Ш.МИРЗИЁЕВ, Өзбекистан Республикасы  Президенти.

Ташкент қаласы, 2017-жыл 6-декабрь.  

 

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF