Еркин Қарақалпақстан Вести Каракалпакстана 10:11:54, 15.10.2018
Хош келипсиз! | RSS
Сайт мазмуны

Кириў усылы

ӘДАЛАТЛЫҚ АЙНАСЫ

 Ҳәр қандай раўажланған мәмлекеттиң тийкарғы раўажланыў жолы нызамлар тийкарында әмелге асады. Ал, нызамлар жыйнағының тийкарғы ҳүжжети Конституция болып есапланады. Буннан тысқары саррас 25 жыл бурын, яғный, 1992-жылдың 8-декабрь күни Өзбекистан Республикасы Жоқары Совети сессиясында елимизде Тийкарғы Нызам қабыл етилди.

«Ғәрезсиз Өзбекистан Республикасының бүгин талқыланатуғын биринши Конституциясы усы ийгиликли мақсеттиң ҳуқықый кепили болажақ. Биз өз раўажланыў жолымызды Конституция тийкарында белгилеп алыўымыз лазым. Мәмлекетимиздиң келешеги, халқымыздың тәғдири көп тәрептен Конституциямыз қандай болыўына байланыслы»,-деген еди сол ўақытта мәмлекетимиздиң Биринши Президенти И.Кәримов. Ҳақыйқатында да, ҳәр қандай миллеттиң, халықтың келешеги, жасаў шараяты, турмысы, психологиясы оның Конституциясына тиккелей байланыслы болып келеди.

Өзбекистан Республикасының Конституциясы мәмлекеттиң Тийкарғы Нызамы, Конституциялық дүзим, мәмлекет дүзилис тийкарларын, пуқаралар ҳуқық ҳәм еркинликлерин белгилеп береди, нызам шығарыў, орынлаўшы ҳәм суд ҳәкимияты уйымларын дүзиўди тәртипке салып турады, сайлаў системасын енгизеди, мәмлекетлик белгилерин белгилейди ҳәм Конституцияға өзгерис киргизиў тәртибин беккемлеп қояды. Конституция жеке мүлк ҳәм базар экономикасына тийкарланған жаңа социаллық сиясий дүзим негизин жаратып берди. Мәмлекетлик мүлк қатарында жеке мүлки де нызам тийкарында қорғалады. Конституция­да идеологиялық ҳәр түрлилик, көп партиялылық беккемлеп қойылған. Конституция мәмлекетти емес, ал, инсанды биринши орынға қояды. Инсан, оның өмири, еркинлиги, абырайы, қәдир-қымбаты  ҳәм басқа да ҳуқықлары жоқары қәдириятлар деп жәрияланды. Сондай-ақ, пуқара ҳәм мәмлекетти өз-ара ҳуқықлар ҳәм миннетлер менен байланыстырыўшы принципти де беккемледи.

Демек, Конституцияда белгиленген илажларды минсиз әмелге асырыўға ҳәрекет етилсе, мәмлекеттиң сиясий-экономикалық, социаллық ҳәм мәдений тараўларында еледе үлкен раўажланыўлар жүз беретуғыны сөзсиз.

Х.КУБЕЙСИНОВА,

«Күш — әдилликте» адвокатлар ассоциациясы адвокаты.    

Излеў

Көп оқылған мақалалар

Сыбайлас сайтлар

Қарақалпақстан Республикасы Жоқарғы Кеңеси ҳәм Министрлер Кеңесиниң газеталары.
Қарақалпақстан баспасөз ҳәм хабар агентлигинде 2007-жыл 7-февральда дизимге алынған. Гүўалық № 01-001
Developed by TUIT NF